Ամուսնացած սիրեկանի կողմից մերժված կինը մարդասպան է վարձել նրան սպանելու համար

Մեծ Բրիտանիայի Նորիջ քաղաքի 43-ամյա բնակչուհի Հելեն Հյուլեթն ավելի քան մեկուկես տարի հետապնդել է նախկին սիրեկանին եւ մարդասպան վարձել նրան սպանելու համար։ Այս մասին հայտնում է Eastern Daily Press-ը։

Կինը ծանոթացել է գործընկերոջ հետ, երբ աշխատում էր սառեցված մթերքների արտադրության գործարանում։ Չնայած տղամարդն ամուսնացած էր, սակայն նրանց միջև սիրավեպ էր սկսվել։ Հարաբերություններն ընդհատվել են մեքենայում սեքսից հետո. տղամարդը անհանգստանում էր, որ դավաճանում է կնոջը եւ դադարել է շփվել Հյուլեթի հետ։

Մերժված կինը չէր կարողանում հաշտվել սիրեկանի հեռանալու հետ։ Նա անընդհատ գրում էր նրա մասին սոցիալական ցանցերում և սպառնալիքներով բազմաթիվ հաղորդագրություններ ու էլեկտրոնային նամակներ ուղարկում նրան։ Չդիմանալով հարձակումներին՝ տղամարդը հեռացել է աշխատանքից եւ աշխատանքի անցել այլ ֆաբրիկայում, սակայն կինը հետեւել է նրան։ Որպեսզի աշխատավայրում չհանդիպեն կնոջը, նա ստիպված էր փոխել իր ժամանակացույցը և արգելափակել նրա սոցիալական ցանցի հաշիվները:

Ի պատասխան՝ Հյուլեթը որոշել է սևացնել նախկին սիրեկանի հեղինակությունը։ Նա բողոքել է վերադասներին, որ տղամարդը աշխատավայրում ոտնձգություններ է անում և վախեցնում կանանց։ Նա նաև նրան մեղադրել է հոմոֆոբիայի մեջ։ Երբ դա չօգնեց, կինը մտածեց սպանության մասին։

Վարձու մարդասպանների որոնման համար գաղտնի կայքում տեղադրված հայտարարության օգնությամբ նրան հաջողվել է գտնել մարդասպանին։ Նրա ծառայությունների դիմաց վճարելու համար Հյուլեթը ծախսել է իր բոլոր խնայողությունները եւ նրան փոխանցել 20,5 հազար ֆունտ ստերլինգ: Նա նաև պոտենցիալ մարդասպանին է փոխանցել նախկին սիրեկանի անունը, հասցեները և լուսանկարը և խնդրել, որ մահը պատահականության նման լինի:

Կնոջ գործողությունները գրավել են իրավապահ մարմինների ուշադրությունը, եւ նրան ձերբակալել են։ Ոստիկանության աշխատակիցները պարզել են, որ քիլերին գումար փոխանցելուց հետո նա համացանցում տեղեկություններ էր փնտրում մահվան ելքով դժբախտ պատահարների մասին։ Հյուլեթն իրեն մեղավոր չի ճանաչել և հայտարարել է, որ մտադիր չէր սպանել նախկին սիրեկանին։