Այսպես չի մնալու, Սուրմալուի պայթյունն էլ է բացահայտվելու. Նահապետյան

Ռազմական փորձագետ, պահեստազորի գնդապետ ՀԱՅԿ ՆԱՀԱՊԵՏՅԱՆԻ գնահատմամբ` ինչպես Սուրմալուի պայթյունի, այնպես էլ Գեղարքունիքի մարզի Ազատ համայնքում 15 զինվորի այրվելու դեպքի վերաբերյալ Նիկոլ Փաշինյանը  հերթական հիմարություններն է ասել:

— Այն ժամանակ ասում էր` ի՞նչ պայթյուն, պայթյուն չի եղել, քանի որ ծուխ է դուրս եկել, ու մարդիկ փախչում էին: Բայց տարիներ առաջ սեպտեմբերի 11-ին, երբ Միացյալ Նահանգներում երկու երկնաքերների ահաբեկչությունը տեղի ունեցավ, էլի ծուխ էր երեւում, եւ մարդիկ փախչում էին պայթյունից: 15 զինվորի այրվելու վերաբերյալ իշխանությունը փորձեց շատ արագ կարծիք ձեւավորել` անընդհատ կրկնելով հատուկ հանձնարարություններով դեսպան Էդմոն Մարուքյանի ստերը: Էլ չասեմ, որ կառավարության նիստի ժամանակ Նիկոլ Փաշինյանն անուղղակիորեն հանձնարարական տվեց քննչական մարմիններին` ուղղորդելով, թե ինչպես է եղել դեպքը: Այնպես էր պատմում, կարծես, ինքը կողքից կանգնած նայել է, թե ինչպես է տեղի ունեցել դեպքը: Բայց սա այսպես չի մնալու, Սուրմալուի պայթյունն էլ է բացահայտվելու: Թող իրենց չթվա, թե կարողանալու են ծածկադմփոց անեն: Ի դեպ, խոսել եմ զորանոցի հրդեհի վերաբերյալ լուրջ մասնագետների հետ, որոնք նույնիսկ պնդում են, որ պայթյուն է տեղի ունեցել եւ անգամ մատնանշում, թե որտեղ այն կարող էր տեղադրված լինել: 14 զինվորի մահն արձանագրվել է միաժամանակյա, անգամ անկողիններից չեն տեղաշարժվել: Իսկ այն, որ իբր մեքենա է եկել, որ պատերը ջարդի, օգնի եւ այլն, հեքիաթ են: Ակնհայտ է` զորանոց կոչվածի ներսում շատ հզոր պայթյուն է եղել` վակուումային պայթյուն, միայն դրա հետևանքով են փլուզվում շենքի պատերը: Իշխանությունն իր գոյության 4.5 տարիներին կրկին ստում է հրապարակայնորեն: Այդ տարածքը զորանոց չէր, տարածք էր, որտեղ ապրում են զինվորները, անվտանգության նվազագույն պայմաններ չկային, ճաղավանդակներ չպետք է լինեին: Նախկինում, երբ կառուցվում էր ցանկացած զորանոց, նախ ստուգում էին` արդյոք բավարարում է բազում պարամետրերի եւ հետո նոր ընդունվում էր: Ինժեներասակրավորային զորանոցում կարող էին լինել նաեւ ականներ, այսինքն` պետք է հատուկ պայմաններ ապահովված լինեին, ուստի` հարց է առաջանում` մինչեւ 2-րդ կորպուսին անցնելը, ո՞վ է ընդունել զորանոցը: Չեմ բացառում, որ այդ եւ ոչ միայն այդ զորանոցի համար 2021 թվականին կլորիկ գումար է դուրս գրվել եւ փոշիացվել: Սա  կոչվում է կոռուպցիա: Իտալական մոդուլային նոր զորանոցի կառուցման մասին սուտը տարածեցին, թե իբր նոր զորանոց է կառուցվելու` ժողովրդին մանիպուլացնելու, մոլորեցնելու համար: Դրանք փողերը լափելու համար լավ հիմնավորումներ են:

ՀՐԱՆՏ ՍԱՐԱՖՅԱՆ

Այս թեմայով Ուկրաինայի համար նախատեսված եվրոպական զենքի գործարանները պոտենցիալ ռազմական թիրախներ են. Զախարովան Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան Իրանական ռազմական աղբյուրը նոր մանրամասներ է հայտնել օրերս խոցված ամերիկյան ռազմանավի մասին Շերլոկ Հոլմսից մինչև արհեստական բանականություն․ ինչպե՞ս է փոխվել դետեկտիվի աշխատանքը