Մեզ էլ ներքին թուրքերն են շրջափակել. հրամանատարի ընտանիքը հայտնել է ծանր իրավիճակում

Լրացավ մեկ շաբաթը, ինչ Պռոշյան համայնքի մոտ` Գեւորգ Չաուշի խճուղի 5 հասցեում գտնվող Պաշտպանության նախարարության նախկին շենքի տարածքում ապաստանած պատերազմի մասնակիցների ու զոհվածների ընտանիքները մնացել են առանց էլեկտրաէներգիայի: Տարածքն ու շենքը կառավարությունն ամրացրել է ՊԵԿ-ին, վերջինս էլ անջատել է հոսանքը, որ այդտեղ ամիներով, նույնիսկ ոմանք` վերջին մի քանի տարին ապաստանած բնակիչները ստիպված լինեն լքել իրենց օթեւանը: Արդեն ամսից ավել է կնոջ եւ երեք մանկահասակ երեխաների հետ այստեղ է ապրում նաեւ  «Սողոմոն Թեհլերյան» վրիժառու-մահապարտներ ջոկատի հիմնադիր-հրամանատար ԱՐԹՈՒՐ ՎԱՐԴԱՆՅԱՆԸ կամ ինչպես մարտական ընկերներն են ասում` ԴՈՒՇՄԱՆԸ: Ցուրտ տան մեջ «Իրավունքի» հետ զրույցում նա նախ հպարտությամբ ցույց տվեց պատերին փակցված իր պատվոգրերն ու հուշամեդալները, ապա ընդգծեց, որ իր արյունով է վաստակել:

«Տուն չունենք, տան վարձը դարձրել են 150 հազար դրամ, ես 120 հազար դրամ աշխատավարձով ո՞նց վարձ տամ, որ կարողանամ 4, 5 եւ 9 ամսական երեխաներին էլ պահեմ: Ուրիշ տարբերակ չկար, եկել ենք այստեղ: Էսքանից հետո` թուրքից ավելի վատը պետք է լինեն, որ գան ու ասեն` երեխեքիդ վերցրու, դուրս արի այստեղից: Այստեղ որոշակի վերանորոգման աշխատանքներ ենք տարել, ինչքան կարողացել ենք, որ կարողանանք ապրենք, վաղն էլ կռիվ լինի, գնամ, չգան ընտանիքիս ասեն` վարձը չեք տվել, դուրս եկեք: Ես գնամ պատերազմ, ընտանիքս ծառի տա՞կ քնի: Գոնե իմանամ ընտանիքս քնելու տեղ ունի: Բայց, ինչպես տեսնում եք, արդեն մեկ շաբաթ է` առանց հոսանքի են թողել էս երեխեքին: Մենք էլ ներքին թուրքերի կողմից ենք շրջափակման մեջ», - «Իրավունքի» հետ զրույցում ասաց հրամանատարը:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Դուք ո՞վ եք, ի՞նչ իրավունքով եք հայտարարում, որ Արցախն արցախցիների հայրենիքը չէ. Քրիստինե Վարդանյան Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում Ռուբեն Վարդանյանի կնոջը սպառնում են ձերբակալել, եթե նա այցելի Բաքու