Պնդում եմ, որ միջազգային հարթակներում հանձնվել է Հայաստանը. Ալավերդյան

Ըստ Հայաստանի մարդու իրավունքների առաջին պաշտպան, «Ընդդեմ իրավական կամայականության» ՀԿ գործադիր տնօրեն ԼԱՐԻՍԱ ԱԼԱՎԵՐԴՅԱՆԻ` իր վերջին ասուլիսում Նիկոլ Փաշինյանի հնչեցրած հայտարարությունները դեռ միայն սկիզբն է այն գործընթացի, որը կոչվում է Հայաստանի միջազգային սուբյեկտայնության ուղղակի զրոյացում:

— Հայաստանում ժողովրդի մեծ մասի մեջ կա ուղղորդված մոլորություն, թե այսօր Արցախն է շրջափակված: Ես պնդում եմ, որ միջազգային հարթակներում հանձնվել է Հայաստանը: Այսօր Հայաստանն ուղղակի չունի ինքնուրույն դերակատարություն եւ պարզապես կատարում է այս կամ այն կենտրոնի, հիմնականում, այսպես ասած, կոլեկտիվ Արեւմուտքի հրահանգները, որի շահերը համընկնում են այսօրվա թուրք-ադրբեջանական ցեղասպանական ռազմավարության հետ: Տվյալ դեպքում` Արցախը սկիզբն է: Հիշեցնեմ, որ նույնչափ, ինչպես վարչապետի աթոռը զբաղեցնող անձը կեղծում էր, երբ ասում էր, որ «Արցախը Հայաստան է եւ վերջ», կեղծում է նաեւ, երբ ասում է, թե պատասխանատվություն է կրում 29,8 հազար քառակուսի կիլոմետրի համար: Զարմանալի է, դպրոցում լավ սովորողներ շատ կային:  Այնպես չէ, որ բնակչության 90 տոկոսը չի հասկանում կամ ուսյալ չէ:  Համոզված եմ, որ այստեղ գործում է շատ անգամ հոգեբանական, այսպես ասած, ջայլամի բարդույթը, բայց հիշեցնեմ, թե ինչպես են ջայլամներին ոչնչացնում: Երբ ջայլամները գլուխը մտցնում են ավազի մեջ, այդ ժամանակ գալիս են եւ գլխատում են: Ես կանխատեսում չեմ անում, Աստված մի արասցե, ընդամենը օրինակ բերեցի: Սակայն, դիմում եմ բոլոր նրանց, ովքեր կարծում են, որ եթե իրենց գլուխը ավազի մեջ են մտցնում, ապա իրենց եւ իրենց երեխաների մարմինները ապահով են: Այդպես չէ՛: Մի իմաստուն խոսք կա. երբ Աստված ուզում է պատժել, սկզբից խելքն է խլում: Չի՛ կարելի այսպես պասիվ ձեւով հանձնվել: Պատմական հիշողության մասին չեմ խոսում, գոնե սեպտեմբերյան պատերազմը հիշեք: Արդյոք 200-ից ավելի տղաների արյունը ձեզ չի վերաբերում: Եթե այդպես է, մեծ ցավով ասելու եմ` Հայաստանում մնացե՞լ է կոնսոլիդացված հայկական համայնք, մենք ունե՞նք միասնական հստակ կամք, որը կարտահայտվի խոսքով եւ գործով: Ի վերջո, այն, ինչ անում է այսօր թուրք-ադրբեջանական այդ միությունը, չի վերաբերում զուտ Արցախին, այլ վերաբերում է հենց Հայաստանին:

Այս թեմայով «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում Ինչ պետք է, իշխանությունը չի անում, մեր հայորդիները մնացել են միայնակ․ Լարիսա Ալավերդյան Մտորումներ Վալենտին Օսկոցկու եւ հայկական Ղարաբաղի կրկնվող ողբերգության մասին Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ