Պարեկներին կանգնեցրել են տոնածառի տակ՝ զիլինա են խաղում. Տեր-Եսայան

Արցախի շրջափակման հետեւանքով այսօր դեռ Երեւանում են արցախյան բարձրաստիճան պաշտոնյաներ, ովքեր հնարավորություն ունեն ՀՀ վարչապետ աշխատողի հետ հանդիպելու եւ ստեղծված իրավիճակից ելքեր փնտրելու, բայց փոխարենը նախընտրեցին տարբեր գրասենյակների առջեւ նստացույցեր անել: Անդրադառնալով վերոնշյալին՝«Հայ ինքնության խոսքը» հեղինակային հաղորդաշարի ժամանակ «Իրավունքի եւ արժեքների գերակայություն» իրավապաշտպան ՀԿ նախագահ, քաղաքական եւ հասարակական գործիչ ՍԱՐԳԻՍ ՏԵՐ-ԵՍԱՅԱՆՆ ասաց, թե տարբեր միջազգային գրասենյակների առջեւ նստողները սորոսականներ էին եւ իրենց շրջապատում էին սորոսականներով:

— Նպատակ ունեին, որ իրական ընդդիմությունը այնտեղ չգնա: Եվ եթե մենք գնայինք, կանգնեինք իրենց կողքը եւ ճիշտ ուղու վրա դնեինք այսօրվա պահանջը, նախապես սադրիչներ կային իրենց կողքին հավաքված, որպեսզի կանխեին Արցախի ապաշրջափակումն ապահովող իրական պայքարը: Ժողովրդի կողմից պետք է լինի դիմադրություն եւ պահանջ այսօրվա իշխանություններից, որ դիվանագիտական միջազգային ատյաններում կատարեն Արցախի անվտանգության երաշխավորի իրենց պարտականությունները: Հակառակ պարագայում, թող ՀՀ իշխանությունը կանգնի ու ասի, որ՝ «Արցախցիներ ջան, դե ֆակտո, դե յուրե ես ձեր անվտանգությունը ապահովողն եմ, բայց չեմ անում, հույսներդ մի դրեք ինձ վրա: Դուք ձեր գլխի ճարը տեսեք, բլոկադայի մեջ եք, ձմեռ է, գազն են անջատում, վաղը հոսանքը կանջատեն, իմացեք՝ ինչ եք անելու»: Այդ ժամանակ ժողովուրդն էլ կհասկանա՝  ինչ է կատարվում, իսկ հիմա փափուկ բարձ են դնում ժողովրդի գլխի տակ: ՄԱԿ-ի գրասենյակից, Ֆրանսիայի դեսպանատնից պահանջելուց զատ՝ պետք է պահանջել մեր երկրի այսօրվա իշխանությունից, ովքեր իրական հոգսերով զբաղվելու փոխարեն՝ բերել տոնածառ են զարդարում, պարեկներին կանգնեցրել են տոնածառի տակ՝ զիլինա են խաղում: Ինչի՞ համար, որպեսզի շեղեն մեր ժողովրդին իրականությունից: Հարգելի՛ հայրենակիցներ, եկեք էյֆորիաներից, մոլորությունից դուրս գանք, հասկանանք, որ իրականությունը լրիվ այլ է: Պետք միաբանվենք ու ասենք՝ մենք մեր երկրի տերն ենք եւ պահանջենք իշխանությունից թե՛ հրաժարական, թե՛ գոնե մի անգամ հայրենասիրական մի գործ անել: Այլ տարեբերակ չունենք, քան համախմբվելն է ու Արցախը հայկական պահելը: Իսկ 2023-ին մաղթում եմ մեր ժողովրդին զգոնություն ու ամուր կամք:

ՍՈՆԱ ԱՂԵԿՅԱՆ

Հ.Գ.-Հարցազրույցն ամբողջությամբ դիտե՛ք տեսանյութում.

Այս թեմայով Գորիսի «Համերաշխություն»-ը ոչ մի աղերս չունի իրական «Համերաշխության» հետ Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Նախկին վարչապետի ընտանիքը սգում է Ներսում մեկը մեկից տարածք է խլում, բայց հայրենիքը մենք վաճառում ենք ուրիշներին. Սարգիս Արզումանյան. Սարգիս Արզումանյան Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին