Ռոմեոյի մերկ հետույքի եւ Ջուլիետի կրծքերի համար՝ 55 տարի անց դերակատարները 500 միլիոն են պահանջում

Ուիլյամ Շեքսպիրի համանուն պիսեի հիման վրա 55 տարի առաջ իտալացի ռեժիսոր Ֆրանկո Ձեֆֆիրելլիի կողմից նկարահանված «Ռոմեո եւ Ջուլիետ»  ֆիլմը դարձավ իսկական գլուխգործոց համաշխարհային կինոպատմության մեջ: Թեպետ նրանից առաջ եւ հետո բազմաթիվ ֆիլմեր են նկարահանվել շեքսպիրյան Ռոմեոյի եւ Ջուլետի մասին, սակայն հենց Ձեֆֆիրելլիի տարբերակն է համարվում լավագույնն ու դասականը: Այն արժանացել է երկու Օսկարի, երեք Ոսկե գլոբուսի եւ բազմաթիվ այլ մրցանակների:

Ֆիլմում Ռոմեոյի եւ Ջուլիետի դերակատարների՝ 16-ամյա Օլիվիա Հասսիի եւ 17-ամյա Լոենարդ Ուայթինգի համար ֆիլմը դեբյուտային էր: Կինոքննադատները պնդում են, որ հենց այդ անփորձությունն էր, որ դերակատարներին հաջողվել է այդքան կատարյալ ներկայացնել սերը, անմեղությունն ու կիրքը, ինչը չէին կարողանա անել անգամ փորձառու դերասանները: Սակայն, եղան նաեւ պախարակողներ ֆիլմի բաց տեսարանների համար՝ այն էլ անչափահաս գլխավոր հերոսների մասնակցությամբ։ Այս մասին ֆիլմի ռեժիսոր Ձեֆֆիրելլիին իր մեկնաբանությունն ուներ. «Երբ գնում եք թանգարան, արդյոք գլուխներդ թեքում եք»:

Իհարկե, մեր օրերում ֆիլմերում, էկրաններից ու համացանցից ամեն ինչ տեսած հասարակությանն ասել, թե «Ռոմեո եւ Ջուլիետ»  ֆիլմ ում բաց տեսարան կա, այն էլ քննադատելի, նույնիսկ ծիծաղելի է: Բայց արի ու տես, որ այս թեման ակտուալ են դարձրել հենց գլխավոր դերակատարները՝ արդեն 71-ամյա Օլիվիա Հասսը եւ 72-ամյա Լոենարդ Ուայթինգը: Նրանք դատի են տվել ֆիլմարտադրող Paramount Pictures ընկերությանը»` ֆիլմում մերկ տեսարանի համար, որը երեխաների նկատմամբ բռնություն են որակել:

Ըստ Օլիվիայի եւ Լեոանարդի, նրանք ֆիլմի թողարկումից հետո անցած 55 տարիների ընթացքում հոգեկան տանջանքների եւ էմոցիոնալ անհանգստությունների միջով են անցել, ինչպես նաեւ կորցրել են հետագա աշխատանքի հնարավորությունը: Այս ամենն իրականում չափազանցություն չէ, որովհետեւ չնայած «Ռոմեո եւ Ջուլիետ»  ֆիլմի մեծ հաջողությանը, Օլիվիան եւ Լեոանարդը հետագայում շատ սահմանափակ ֆիլմերում են հայտնվել: Այսպիսով՝ այսօր նրանք իրենց հասցված վնասը համարում են, որ գերազանցում է 500 միլիոն դոլարը եւ պահանջում փոխհատուցում:

«Անչափահասների մերկ պատկերներն անօրինական են եւ չպետք է ցուցադրվեն: Օլիվիա Հասսին եւ Լոենարդ Ուայթինգը 60-ականների միամիտ փոքր երեխաներ էին, որոնք չէին հասկանում, թե ինչ է իրենց սպասում։ Նրանք հանկարծակի հայտնի դարձան այնպիսի մակարդակով, որը երբեք չէին սպասում, եւ բացի այդ, նրանց վիրավորում էին այնպես, որ չգիտեին, թե ինչպես պայքարել դրա դեմ», - հայտարարել է փաստաբան Սոլոմոն Գրեսենը:

ՀՐԱՆՏ ՍԱՐԱՖՅԱՆ

Այս թեմայով «Հրապարակ»․ «Պալաչը» Տեղեկանքի համար դիմել է դատարան ՔՊ-ն թաղեց եռագլուխ հայրիկին Արդարադատության ցուցանիշը բռնագանձված գույքի քանակը չէ, այլ այն, թե այդ արդյունքին հասնելիս որքանով է պահպանվել օրենքը ՇՏԱՊ. Առկա է վեբկայք, որտեղ տեղադրված են ՀՀ քաղաքացիների տեսանյութերն ու լուսանկարները, որոնք արվել են հասարակական զուգարաններում ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին