Պատերազմը չի ավարտվել, ապրելու միակ ճանապարը կռվելն է. Վահագն Չախալյան

30000 (+) հավաքվելու դեպքում (միջոցների առկայության պարագայում իրատեսական թիվ է) 22:00-ին ուժի իրավունքով մեկ ժամ կտայինք ՀՀ իշխանություններին, մասնավորապես՝ վարչապետին եւ ուժային կառույցների ղեկավարներին Բերձորի միջանցքը «գորշ գայլեր» ահաբեկչական խմբավորման անդամներից մաքրելուն ուղղված ուժային գործողություններ սկսելու համար։ Դրան զուգահեռ, մինչեւ 23:00-ն հենց փողոցում կսկսեինք ձեւավորել հակաճգնաժամային ժամանակավոր կառավարություն (ես հասկանում եմ, որ «հենց փողոցում» տերմինը շատ խոցելի է եւ ոչ ստանդարտ, բայց եկեք խոստովանենք , որ իրավիճակն էլ ոչ ստանդարտ է), պրոֆեսիոնալ եւ հայրենասեր սպաներին կառաջարկեինք (կստիպեինք) կառավարումը վերցնել իրենց ձեռքը։

23:00-ից սկսած (Բերձորի միջանցքն ապաշրջափակված մնալու եւ ուժային գործողություններ սկսված չլինելու դեպքում) ուժի իրավունքով բերման կենթարկեինք ՀՀ վարչապետին (կեղծ ժողովրդավարական լոլոներ աչքս չկոխեք, Մուկուչյանը վկա) եւ ուժային կառույցների ղեկավարներին։

 

24:00-ին՝ նոր 2023 թվականը կդիմավորեինք դեպի փրկություն եւ հաղթանակ գնացող տրամադրություններով։ Հետո՞, հետոն համազգային մոբիլիզացիան է (ոչ միայն ռազմական առումով) եւ Հայրենական Պատերազմին անցնելն է (չասեք, թե ժողովուրդը վախենում է պատերազմ բառից, ժողովրդին մնա, լուռումունջ կգենոցիդվի)։ Մի խոսքով, այս ամենը՝ եթե ռեսուրս ունենայի, իսկ քանի որ այս մասին գիտեն նաեւ ՀՀ իշխանություններն ու նրան սպասարկող ուժերը, եւ նրանք ամենինչ արել են, որ անռեսուրս մնամ, ես անզորությունից ընդամենը ստատուս եմ գրում (չնայած սա էլ ասեմ, շատ չուրախանան ալիեւապաշտները դա ընդամենը ժամանակավոր երեւույթ է)։

 

Հ.Գ. - Ոմանք ինձ կհակաճառեն, որ վերը նկարագրված սցենարի զարգացման դեպքում պատերազմ կսկսվի, հարգելիներս պատերազմը չի ավարտվել, ապրելու միակ ճանապարը կռվելն է։ Զինվելն ու կռվելը», - գրել է Հայկական արժեքների պաշտպանության «Կամք» հասարակական նախաձեռնության ղեկավար ՎԱՀԱԳՆ ՉԱԽԱԼՅԱՆԸ: