ԼՐԱԳՐՈՂԻ «ուսադիր» կրելը ամենաբարդն է.Արցախի հերոս «Ալբերտ Հովհաննիսյանի» անվան հուշամեդալով է պարգեւատրվել մեր գործընկեր Գայանե Զարգարյանը

Լրագրությունը շատերի կողմից մինչեւ այսօր ընկալվում է որպես ստեղծագործական մասնագիտություն, եւ սա մասնագիտություն է, որը կանգնած է բազմաթիվ մարտահրավերների առջեւ։ Լրագրողից բոլորը պահանջում են, որ նա գրի այնպես, ինչպես իրենք են ուզում։ Իսկ լրագրողն ունի իր կանոնները, իր չափորոշիչները, էթիկան եւ նա պետք է գրի իր մասնագիտությանը համապատասխան։ Լրագրությունն, իհարկե հարուստ մասնագիտություն չէ՝ բայց պատասխանատվությունն է շատ մեծ գործիդ մեջ։ Հետեւաբար, լրագրողը պետք է լինի շատ կրթված եւ շատ նուրբ հոգեբան, որպեսզի հասկանա, թե ինչ տեսակի բովանդակություն է ուզում տեսնել իր լսարանը։

ԼՐԱԳՐՈՂԻ <<ուսադիր>> կրելը, սակայն ամենաբարդն է, որը պատվով շուրջ երկու տասնյակ շարունակ՝հստակ եւ տեսողական պարզությամբ, բարձր պրոֆեսիոնալիզմով կրում է մեր գործընկեր, Newsmedia.am էլ․ օրաթերթի հիմնադիր-ղեկավար, <<Քեզ համար զինվոր>>, <<Կյանք ու կռիվ>> հայրենանվեր նախագծերի հեղինակ եւ իրականացնող, հանրության ամենատարբեր շերտերի խնդիրները բարձրաձայնող լրագրող Գայանե Զարգարյանը։ ԼՐԱԳՐՈՂ, ով երկու տասնյակ շարունակ գրագետ, խելամիտ եւ համակարգված կերպով՝ իր օրինակով ցույց է տվել, որ լրագրությունը պետք է համապատասխանի իր երկրին, իր հասարակությունը, իր մշակույթին, եւ, որ ամենակարեւորն է՝ լինի ՕԲՅԵԿՏԻՎ։

Թերեւս այս եւ մարդկային այլ բարձր ու անգերազանցելի հատկանիշները գնահատելով «Արցախի Հերոս», 44-օրյա պատերազմում Հայ Զինվորի անկոտրում ոգու հավաքական խորհրդանիշ դարձած, ինչպես ՀՀ-ում, այնպես էլ ՀՀ-ից դուրս լայն ճանաչում ձեռք բերած, հերոսական փայլուն ուղղի գրանցած Ալբերտ Հովհաննիսիյանի հայրիկը՝ հերոսի օջախում, Հերոս որդու «Ալբերտ Հովհաննիսյանի» անվան հուշամեդալով է պարգեւատրել մեր գործընկերոջը՝ Գայանե Զարգարյանին։ Հերոսի հայրը իր խոսքում մասնավորապես փաստեց․ «Ալբերտ Հովհաննիսյանի» անվան հուշամեդալով պարգեւատրում եմ Ձեզ, որպես ազնիվ, արդար լրագրողի, Մարդու ով բոլոր ժամանակներում, բոլոր իրավիճակներում մեր հերոսների ծնողների կողքին է, եւ նրանց պահանջը արդարացի ներկայացում է միշտ»։

Մեր գործընկերն իր հերթին շնորհակալություն հայտնեց Հերոսի հայրիկին, փաստելով․<<Շնորհակալ եմ ու խոնհարվում եմ Ալբերտի կենդանի հիշատակի առաջ, եւ ուզում եմ եւս մեկ անգամ փաստել, որ մենք ապրում ենք մեր հերոսական ու նվիրական տղաների շնորհիվ. Դուք եք ապրեցնում սերնդին եւ մեզ՝ բոլորիս»։