Քաղաքապետարանում հանգրվանած պաշտոնյան` թքում է Նիկոլի ժողովրդավարության ճակատին․ ԱՀԱԶԱՆԳ

Մինչ Նիկոլի թավիշ կապած Հայաստանում, շարունակում են աղաղակել կեղծ ժողովրդական արժեքների ու Հայաստանից ժողովրդավարության բաստիոն «կռելու» մասին, Նիկոլի թրաշամանուկները աջ ու ձախ շարունակում են բիրդան աղա կտրած իրենց հունձն անել՝թքելով Նիկոլի աղաղակած կեղծ օրակարգերի, լոզունգների ու հայտարարությունների վրա: Այն նույն Նիկոլը, որ 2018-ին լոլո էր պատմում թե գալիս է արմատախիլ անելու, «կտրելու» կոռուպցիայի ապօրինության ու թալանի քոքը, այս տարիների ընթացքում ապացուցեց, որ խիստ հակառակ արժեքների կրողն է: Ավելին Նիկոլի թայֆան՝ յուր ապօրինությունների շքերթով ու աճպարարությամբ ժամ առ ժամ է նոր ռեկորդներ սահմանում թավշապատ Հայաստանում՝ եւս մեկ անգամ ապացուցելով, որ արատավոր բարքերը Հայաստանում գույնզգույն ծիլեր են շարունակում արձակել հենց այս իշխանությունների օրոք՝տրորելով մարդու իրավունքների հիմնարար ինստիտուտը: 

 

Ահավասիկ, Երեւանի քաղաքապետարանի կոմունալ բաժնի «նայիչը», ոմն Հովիկ ով նաեւ Նորք-Մարաշ համայնքում գտնվող «Ավտոբուսի պարկ»-ի տնօրենն է, ըստ բնակիչներից ստացված ահազանգի այդ տարածքը խառնել է սեփական բոստանի հետ, շարունակելով ապօրինի կերպով ընդլայնել այն՝ անհարմարություններ ստեղծելով հարակից տարածքի բնակիչների համար:

Քաղաքապետրանի աշխատակից կոչվածը, ասել է թե «օրենքի մարդը» ՝ քայլում է այդ նույն օրենքի վրայով՝կանգ չառնելով ապօրինությունների այն շղթայի առաջ, որի արդյունքում արի ու տես որ կարող է հարակից տարածքի բնակչությանը բառիս բուն իմաստով աղետի առաջ կանգնեցնել: Սույն «վսեմագուչին», բացի այն, որ ապօրինի կերպով ընդյալնել է պետությանը պատկանող տարածքը, «վրաերթ» անելով շինարարական ու տեխնիկական բոլոր նորմերն ու կանոնները, դեռ մի բան էլ. յուր շինարարությունը իրականացրել է ըստ մեզ հասած տեղեկությունների, գազի բաշխիչ կայանի «քթի տակ»՝ մոռանալով, որ այդ արկածախնդրության, ապօրինության ու աճպարարության հետեւանքները կարող են անդառնալի ու կործանարար լինել ոչ միայն իր նման «Կինոյի Տղերքի», այլ նաեւ հարակից տարածքում ապրող բնակիչների համար:

 

Ուստի հորդորում ենք, Երեւանի քաղաքապետին, պատկան բոլոր կառույցներին, այդ թվում նաեւ Նիկոլի «կանտորային», լրջագույնս զբաղվելու սույն երեւույթի ծավալած ապօրինի գործունեությամբ ու արկածախնդրությամբ, քանզի մեկ անգամ չէ, որ քաղաքային իշխանությունները, եւ առհասարակ օրվա իշխանականները, նման անօրինականությունների ու ապօրինությունների արդյունքում ի ցույց են դրել իրենց ողջ պերճանքն ու թշվառությունը:

Ժամանակին, այդ նույն Նիկոլն էր որ նախկինների «աչքի շյուղը» տեսնում ու իրեն պատեպատ էր տալիս , հիմա ճիշտ ժամանակն է, որպեսզի քաղաքապետարանում հանգրվանած ՔՊ-ականի «աչքի գերանը» Նիկոլը տեսնի եւ համապատասխան որոշումներ կայացնի:Եթե իհարկե, քաղաքապետարանի «աթոռի տակ» տեղավորված պաշտոնյան թքած եւ ճղած չունի Նիկոլի ժողովրդավարական արժեքների ու կեղծ օրակարգի վրա: