Երեւի կառավարությունն ինչ-որ «կանալներով» մեր ժողովրդին հասկացնում է, որ պետք է պասիվ լինեն. Հայրյան

Մեծ Թաղերի նախկին գյուղապետ, Արցախի նախկին պատգամավոր, «Հանուն Հադրութի» ՀԿ նախագահ ԼԵՎՈՆ ՀԱՅՐՅԱՆԸ կարծում է, որ մեր ժողովրդին չեն հետաքրքրում ժողովրդի մյուս հատվածի խնդիրները: Թերեւս սա է ապացուցում արդեն 10-րդ օրը շրջափակման մեջ գտնվող Արցախի նկատմամբ հանրային լայն շրջանակների վերաբերմունքը:

— Զանազանել Արցախն ու հայ ժողովուրդը չի կարելի, նույն ժողովուրդն է: Ինչո՞ւ է կառավարությունը պասիվ: Երեւի կառավարությունն ինչ-որ «կանալներով» մեր ժողովրդին հասկացնում է, որ պետք է պասիվ լինեն: Մեր հիմնական խնդիրը երկու մասերի միացումն է, հայ ժողովրդի ազատագրումն է դարավոր լծից, բայց մեր մի քանի տասնամյակ պայքարից հետո մեր իշխանությունների շարունակական կրավորական կեցվածքի պատճառով այսօր հայտնվել ենք այս վիճակում: 30 տարի պայքարից հետո միջազգային հանրությունը Արցախին  նորից առաջարկում է մտնել Ադրբեջանի կազմի մեջ: Հիշեցնում եմ Սումգայիթի, Մարաղայի, Բաքվի ջարդերը: Թուրքերի ջրաղացին ջուր է լցնում մեր քաղաքական վերնախավի կրավորական դիրքը, որը պետք է կոտրվի: Եթե ժողովրդին այսօր չի հետաքրքրում Արցախի ու Ջերմուկի վիճակը, համոզված եղեք, որ Արցախն ու Ջերմուկը գալու են Երեւան: Ժողովո՛ւրդ, խնդրում եմ` դուրս եկեք ու կառավարությունից պահանջեք կատարել  իրենց պարտականությունները: Կարեւոր է, որ բոլորս լինենք միասին եւ պահանջենք մեր ժողովրդի համար բարեկեցիկ ապագա ստեղծող աշխատող կառավարություն:

Այս թեմայով «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Իրավունք». Ով է Վանեցյանի կուսակցությունով առաջադրված Լեվոն Վահրադյանը Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ)