Ոչ լեգիտիմ համարելով ներկայիս խորհրդարանը` ես չեմ կարող այնտեղ գտնվել.ԴԱՎԻԹ ՍԱՀԱԿՅԱՆՑ

«Իրավունքը» զրուցել է ՀՀ մշակույթի վաստակավոր գործիչ, ռեժիսոր, մուլտիպլիկատոր, «Հայաստան» դաշինքի անդամ ԴԱՎԻԹ ՍԱՀԱԿՅԱՆՑԻ հետ:

— Պարոն Սահակյանց, «Հայաստան» դաշինքի կողմից առաջադրվել էիք պատգամավորի թեկնածու, բայց երբ Ձեր հերթը հասավ մանդատը վերցնելու, հրաժարվեցիք: Ի՞նչ է փոխվել առաջադրվելու մտադրությունից հետո:

— Կարծում եմ՝ իմ պարագայում շատ տրամաբանական էր պատգամավորական մանդատից հրաժարվելը, որովհետեւ այն ժամանակ այլ իրավիճակ էր: Դրան գումարած՝ ես համարում եմ, որ ընտրությունների արդյունքները լեգիտիմ չեն, եւ խայտառակ կեղծիքներ են տեղի ունեցել: Եվ այն խորհրդարանը, որը ձեւավորվել է, չի համապատասխանում մարդկանց տված քվեներին: Ոչ լեգիտիմ համարելով ներկայիս խորհրդարանը՝ ես չեմ կարող այնտեղ գտնվել, որովհետեւ ունեմ իմ սկզբունքները, որին հետեւում եմ: Այս էտապին ցանկացած քայլ պետք է լինի մի բանի համար` իշխանությունից զրկել Նիկոլ Փաշինյանին եւ իր ամբողջ թիմը: Ես՝ որպես մշակույթի գործիչ էի գնում խորհրդարան, եւ հույս կար, որ գոնե հավասար ուժեր կձեւավորվեին խորհրդարանում: Եվ իմ ֆունկցիան կլիներ կոնկրետ մշակութային աշխատանքը: Այս պահին մշակույթի մասին խոսք անգամ լինել չի կարող: Կա մեկ նպատակ` զրկել իշխանությունից Նիկոլ Փաշինյանին եւ իր թիմը: Դրա համար էլ որոշում կայացրի՝ չմտնել խորհրդարան:

— Դուք լավ գիտեիք, թե իրենցից ինչ են ներկայացնում Նիկոլ Փաշինյանն ու իր թիմը: Այդ դեպքում՝ ինչո՞ւ առաջադրվեցիք խորհրդարանական արտահերթ ընտրությունների ժամանակ:

— Իհարկե՝ գիտեի, բայց ես չէի կարծում, որ այդ աստիճանի խայտառակ ընտրությունների առաջ կկանգնենք: Ես համոզված էի, որ մեր հասարակությունն իսկապես չի քվեարկի, եւ նրանք ուղղակի չեն կարող այդ քանակի մանդատներ վաստակեն եւ մտնեն խորհրդարան: Կարծում էի, որ հասարակությունը շատ ավելի սթափ կդրսեւորվի եւ նրանց կտա մինիմում ձայներ: Նույնիսկ եթե նրանք ուզենային կեղծիքներ անել, նրանց ձայների քանակը չէր հասնի այդքան ահռելի քանակի: Միգուցե ես ավելին էի սպասում հասարակությունից եւ ընտրություններից:

— Հասարակությունից ավելին էիք սպասում, իսկ ընդդիմությունից հիասթափվա՞ծ եք:

— Այստեղ իմ սկզբունքի հարցն է, որ հրաժարվել եմ իմ մանդատից: Իսկ այն ընդդիմադիրները, ովքեր այսօր խորհրդարանում են, միանշանակ իրենց աջակցում եմ: Դա իրենց ընտրությունն է: Իհարկե, ակնհայտ սխալներ կան: Մենք կրկին հույս ունեինք, որ մայիսին ինչ-որ բան կփոխվի, ու դա տեղի չունեցավ: Որոշ չափով, իհարկե, կա հիասթափություն...

— Դեկտեմբերի 12-ից Ադրբեջանը բնապահպանական մոնիթորինգի շինծու պատրվակով ամբողջությամբ փակել է Արցախն արտաքին աշխարհին կապող միակ տրանսպորտային մայրուղին: Ու մեր ժողովուրդը դեռ ոտքի չի կանգնում, լռում են շատերը: Ըստ Ձեզ՝ ինչո՞ւ:

— Շատ շատ բաներ կան, որոնք այլեւս չեմ ընկալում: Արցախի ճանապարհը բացելու համար պետք է բացել Հայաստանի ներքին ճանապարհը: Եթե այնտեղ ադրբեջանական ահաբեկիչներն են փակել Արցախի ճանապարհը, ապա մեզ մոտ ներքին ահաբեկիչներն են գրավել եւ փակել այն հիմնական ճանապարհը, որով Հայաստանը պետք է գնա առաջ: Իսկ թե ինչու հասարակությունը ոտքի չի կանգնում, պետք է նաեւ հաշվի առնել, որ դա անում են նախատոնական օրերին, երբ հասարակությունն Ամանորով է զբաղված եւ այլն... Չնայած դրան՝ միեւնույնն է, նման պահվածքը չեմ հասկանում, ինչը շատ ցավալի փաստ է:

— Հրապարակի տոնածառի լույսերը վառելու ժամանակ ավելի շատ մարդ էր հավաքվել, քան Արցախի ճանապարհը բացելու համար անցկացված հանրահավաքին: Սա որեւէ բացատրություն ունի՞:

— Պետք է հաշվի առնել նաեւ այն փաստը, որ տուրիստները այդ պահին Երեւանում էին: Տոնածառի բացումը կապեցին «Մանկական Եվրատեսիլի» բացման հետ: Կարծում եմ՝ այլ պարագայում այդքան մարդ չէր հավաքվի Հանրապետության հրապարակում: Տուրիստները եկել էին ոչ թե տոնածառի, այլ «Եվրատեսիլի» բացմանը, եւ իրենք շատ հմուտ այդ ամեն ինչը կապեցին իրար: Եվ ստացվեց, որ այնտեղ ավելի շատ մարդ է հավաքվում, եւ բոլորն ընդունում են այն քաղաքականությունը, որն անում է ներկայիս իշխանությունը:

ՆՈՒՆԵ ԶԱՔԱՐՅԱՆ

Այս թեմայով Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Դավիթ Համբարձումյանը դիմել է «Վեոլիա Ջուր» ընկերությանը բաց նամակի տեսքով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր