Գալուստ Սահակյանին ճանաչել ենք որպես ազգային և պետական շահին անվերապահ նվիրված գործչի

Խոր ցավով տեղեկացանք  ականավոր և վաստակաշատ պետական, քաղաքական գործիչ, ՀՀ ԱԺ նախկին նախագահ, ՀՀԿ փոխնախագահ Գալուստ Սահակյանի մահվան մասին:

Գալուստ Սահակյանը վայելում էր ՀՀ հասարակական–քաղաքական դաշտի, իրեն երբևէ ճանաչած մարդկանց հարգանքը, նա գործընկերային և մարդկային հարաբերություններում մշտապես պարկեշտ և ազնվաբարո է եղել:

Գալուստ Սահակյանի հետ մշտապես համագործակցել ենք և՛ միջկուսակցական մակարդակով, և՛ որպես ՀՀԿ խմբակցության ղեկավար և Ազգային ժողովի նախագահ, նրան ճանաչել ենք որպես ազգային և պետական շահին անվերապահ նվիրված գործչի:  Նա մշտապես կանգնած է եղել ազգային արժեհամակարգի ու պահպանողական գաղափարախոսության դիրքերի վրա:

«Սահմանադրական Իրավունք միություն» կուսակցության և անձամբ իմ անունից խորին ցավակցություն ու զորակցություն եմ հայտնում Գալուստ Սահակյանի ընտանիքին, հարազատներին, մերձավորներին, կուսակիցներին:

ՍԻՄ կուսակցության անունից`

ՍԻՄ նախագահ Հայկ Բաբուխանյան