Իշխան Զաքարյանի լռության գինը. նա ունի մեղադրյալի կարգավիճակ

Դեռեւս 2020 թվականին ՀՀ ԱԱԾ տնտեսական անվտանգության եւ կոռուպցիայի հակազդման դեպարտամենտում ԱԺ երբեմնի ընդդիմադիր պատգամավոր ԻՇԽԱՆ ԶԱՔԱՐՅԱՆԻ վերաբերյալ նյութեր էին նախապատրաստվել եւ ուղարկվել ՀՀ ԱԱԾ քննչական դեպարտամենտ: Մասնավորապես` պատգամավորին մեղսագրվում էին հետեւյալ քրեական օրենսգրքով  նախատեսված հանցանքները. ՀՀ քրեական օրենսգրքի 190-րդ հոդվածի 3-րդ մասի 1-ին եւ 3-րդ կետերով (առանձնապես խոշոր չափերով փողերի լվացում, որն իրականացվել է պաշտոնեական դիրքն օգտագործելով ), 308-րդ հոդվածի 2-րդ մասով (պաշտոնեական լիազորությունների չարաշահում, որն առաջացրել է ծանր հետեւանքներ), 310.1-րդ հոդվածի 1-ին մասով (ապօրինի հարստացում), 314-րդ հոդվածի 1-ին մասով (պաշտոնեական կեղծիք) եւ 314.3-րդ հոդվածի 2-րդ մասով (հայտարարագրերում կեղծ տվյալների ներկայացում): Հարուցված քրեական գործից երկու տարի անց, թե ինչ փուլում է նախաքննությունը եւ, ի վերջո, ինչ կարգավիճակ ունի Իշխան Զաքարյանը, «Իրավունքը» գրավոր հարցման միջոցով պարզել է ՀՀ ԱԱԾ քննչական դեպարտամենտից:

Ի պատասխան մեր հարցման` ՀՀ ԱԱԾ ՀԿԳ ավագ քննիչ Ս. Հարությունյանը տեղեկացրեց, որ պատգամավորն ունի մեղադրյալի կարգավիճակ:

«Հայտնում եմ, որ ՀՀ ԱԱԾ քննչական դեպարտամենտում 2020 թվականի սեպտեմբերի 23-ին ՀՀ նախկին քրեական օրենսգրքի 190-րդ հոդված 3-րդ մասի 1-ին եւ 3-րդ կետերով, 308-րդ հոդված 2-րդ մասով, 310.1-րդ հոդվածի առաջին մասով, 304-րդ հոդված 1-ին մասով եւ 314.3-րդ հոդվածի 2-րդ մասով ՀՀ նախիկին քրեական դատավարության օրենսգրքի իրավակարգումների համաձայն, հարուցվել է թիվ 58225820 քրեական գործը, որով նախանքննությունը շարունակվում է: Հիշյալ քրեական վարույթի շրջանակներում Իշխան Զաքարյանն ունի մեղադրայլի կարգավիճակ», - մանրամասնել է ՀՀ ԱԱԾ ՀԿԳ ավագ քննիչը:

Հիշեցնենք, որ երկու տարի առաջ, երբ հայտնի դարձավ, որ Իշխան Զաքարյանը մի շարք քրեական հոդվածներով է անցնում, վերջինս հանկարծ ամենաընդդիմադիր դիրքերից հայտնվեց «նեյտրալ գոտում»: Այդ օրվանից մինչեւ օրս Իշխան Զաքարյանը որեւէ ծպտուն չի հանել երկրում ստեղծված իրավիճակի վերաբերյալ, ինչը փաստում է, որ նրա ճամբարափոխ լինելը ո՛չ թե քաղաքական, այլ սեփական կաշին փրկելու միջոց էր: Ըստ մամուլում շրջանառվող լուրերի, «իշխանությունը հատուկ բանագնացի միջոցով հասկացրել է, որ Իշխան Զաքարյանը կա՛մ պետք է դուրս գա ԱԺ «Պատիվ ունեմ» խմբակցությունից, կա՛մ նրան պետք է նստեցնեն: Ընդ որում` հարցը դրվել է այսպես, որ նա չպետք է մանդատը վայր դնի եւ պետք է մնա, որպես լրացուցիչ, «կոճակ սեղմող» իշխանությունների համար քաղաքական նշանակություն ունեցող հարցերի համար»:

ՀՐԱՆՏ ՍԱՐԱՖՅԱՆ

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Եթե Արցախի կորստից դասեր չքաղենք, կարող ենք կորցնել նաև Հայաստանի պետականությունը. Արտակ Զաքարյան Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Կգտնվի՞ արդյոք գոնե մեկ միջնորդ, որի խոսքը հուսիներն իսկապես պատրաստ են լսել ու հարգել. Արտակ Զաքարյան Այս ամենն ակնհայտ է, որ միայն Հայաստանի «հագով չէ». Արտակ Զաքարյան