Փաշինյանն ու իր թիմն ամեն ինչ արել են, որպեսզի ՀՀ-ն ի վիճակի չլինի դիմադրել. Վրթանեսյան

Ռազմական փորձագետ ԿԱՐԵՆ ՎՐԹԱՆԵՍՅԱՆԻ գնահատմամբ` եթե ինչ-որ երկրի դե յուրե ղեկավար հայտարարում է, որ իր հայրենակիցների ինչ-որ մասին սպառնում է ցեղասպանություն, այդ երկրի անվտանգությունից խոսել պետք չէ:

— Ադրբեջանն ակնհայտորեն պատրաստվում է պատերազմի. այստեղ ոչ մի նոր բան չկա: 2020 թ. նոյեմբերի 10-ից սկսած` Ադրբեջանն ամեն ինչ արել է նոր պատերազմին պատրաստ լինելու համար: Դժվար է ասել՝ իրենց պլաններն ինչքան են, ինչպես են, բայց սեպտեմբերյան կռիվների մասշտաբով հանգիստ կարող են ցանկացած պահի նորից կրկնել. դրա ռեսուրսներն Ադրբեջանն ունի: Ես ռազմական գործողությունների վերսկսման հավանականությունը բավականին բարձր եմ համարում, ու սա պայմանավորված է ոչ այնքան նրանով, թե Ադրբեջանն ինչ-որ նպատակներ ունի, այլ առաջին հերթին այն փաստով, որ Հայաստանն ի վիճակի չէ այսօր լիարժեք դիմադրել այդ հարձակումներին: Ընդ որում, Նիկոլ Փաշինյանն ու իր թիմն ամեն ինչ արել են, որպեսզի ՀՀ-ն ի վիճակի չլինի դիմադրել: Ու այդքանից հետո պաշտոնական շրջանակներից հայտարարություններ են հնչում, թե` ի՞նչ կարող ենք անել:

Նոյեմբերի 10-ից սկսած՝ պետք է համալրել սպառազինությունը, զինամթերքը, պետք է շտապ վերականգնել բանակը. այս երկու տարին պետք է լինեին անդադար զորավարժությունների, զենքի գնումների տարի: Արվել է այդ ամենի հակառակը. 5 ամիս չունեինք ԳՇ պետ, առ այսօր՝ 9 ամսից ավելի է՝ չունենք հետախուզության պետ: Վերջերս ինձ ասացին, որ փաստացի պատերազմից հետո չունենք հակահետախուզության պետ. հետո էլ զարմանում են, թե ինչ դավաճանության թեմաներ են, չնայած դա էլ է ուռճացրած նիկոլական քարոզչության կողմից: Իրականում պատկերն այնպես չէ՝ ինչպես ներկայացնում են: Մի խոսքով` բոլոր ճակատներով քանդում են, քայքայում են, հետո ասում են՝ չենք կարող դիմադրել: Իշխանական քարոզիչներից մեկը՝ Էդմոն Մարուքյանը, փորձեց ասել, թե ամեն բանակցող բանակցում է՝ ըստ այն բանակի կարողության, որ ունի: Եթե Նիկոլ Փաշինյանը նպատակ ունենար ուժեղ բանակցելու, ուրեմն` բանակը կվերականգներ, չէր ջախջախի. բանակն այսօր ջախջախված է, ու ամեն ինչ արվում է, որ ՀՀ անվտանգությունն ապահովող համակարգերը թուլանան:

ՀՐԱՆՏ ՍԱՐԱՖՅԱՆ

Այս թեմայով Հաջորդ տարի Հայաստանի ռազմական բյուջեն կավելանա «Ժողովուրդ». Իրավապահները կուսումնասիրեն ՔՊ-ական Կարեն Համբարձումյանի եղբոր մասին բացահայտումները Ուկրաինայի համար նախատեսված եվրոպական զենքի գործարանները պոտենցիալ ռազմական թիրախներ են. Զախարովան Իրանական ռազմական աղբյուրը նոր մանրամասներ է հայտնել օրերս խոցված ամերիկյան ռազմանավի մասին Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան