Նշվել է իդեալական դիետան արթրիտի դեպքում

Մթերքները, որոնք նպաստում են օրգանիզմում բորբոքային գործընթացներին, պետք է հեռացվեն սննդակարգից արթրիտի դեպքում, «Մոսկվա 24»-ին ասել է սննդաբան Ելենա Սոլոմատինան:

Մասնագետը հիշեցրել է, որ արթրիտը բորբոքային բնույթի աուտոիմուն հիվանդություն է։ «Բացառված են բոլոր ճարպային, ապխտած, աղի, թթու, տապակած ուտեստները եւ ալկոհոլային խմիչքները: Չի կարելի ոչ մի ֆաստ-ֆուդ: Կարմիր միսը, ճարպոտ խոզի միսը, գառան միսը նույնպես չի թույլատրվում»,- ասել է փորձագետը:

Սննդակարգում պետք է ներառվեն նաեւ օմեգա-3 ճարպաթթուներով հարուստ մթերքներ, որոնք նույնպես վերացնում են բորբոքումը։ Կարելի է ուտել թխած ծովատառեխ, սարդինա, կիլկա եւ օգտագործել կտավատի յուղ։ Հարմար է նաեւ ձիթապտղի յուղը՝ այն պարունակում է օմեգա-9, պարզաբանում է մասնագետը։

Եթե խոսենք մսի մասին, ապա ավելի լավ է ուտել ոչ յուղոտ, օրինակ՝ հնդկահավի կամ նապաստակի միս։ Ապուրները պետք է լինեն հիմնականում բուսական, հավելել է Սոլոմատինան։ «Ավելորդ աղերը, ավելորդ տոքսինները դուրս հանելու համար անպայման պետք է շատ ջուր խմել, որպեսզի դրանք չկուտակվեն օրգանիզմում»,- նշել է բժիշկը։

Մասնագետն ընդգծել է, որ նման սնունդը չի օգնի լիովին ազատվել արթրիտից, սակայն կարող է մարդուն ռեմիսիայի վիճակի մեջ դնել ու օգնել կանխել հիվանդության սրացումն ու առաջընթացը։