Հայաստանը վտանգավոր կենսաբանական, բայց հայեցողական պարտավորություններ կստանձնի

Գործադիրի հավանությանն է արժանացրել ՀՀ արտակարգ իրավիճակների նախարարության եւ ԱՄՆ պաշտպանության դեպարտամենտի միջեւ կենսաբանական զենքերի ստեղծման համար օգտագործելի տեխնոլոգիայի, ախտածինների եւ փորձառության տարածման կանխարգելման ոլորտում համագործակցության մասին համաձայնագիրը:

Հատկանշական է այն, որ ՀՀ ԱԻՆ-ի եւ ԱՄՆ պաշտպանության դեպարտամենտի միջեւ 2010թ.-ին ստորագրված այս համաձայնագիրը մինչ օրս չէր վավերացվել` դրանում Հայաստանին ներկայացվող պարտադիր պահանջների պատճառով: Մասնավորապես համաձայնագրի 4-րդ հոդվածի 5-րդ կետի համաձայն՝ հայկական կողմը պարտավորվում էր ԱՄՆ պաշտպանության դեպարտամենտին փոխանցել պահանջված այն վտանգավոր ախտածինների նմուշները, որոնք հավաքվել են ՀՀ-ում պրոֆիլակտիկ, պաշտպանական կամ այլ խաղաղ նպատակներով:

Իսկ այժմ կողմերը համաձայնել են փոփոխություն կատարել համաձայնագրում, եւ պահանջվող վտանգավոր ախտածինների նմուշները ամերիկյան կողմին փոխանցելու պարտադիր բնույթը դարձնել հայեցողական եւ վերաբերելի միայն հարուցիչ պարունակող ախտաբանական նյութին, որը հայտնաբերվել է Հայաստանի Հանրապետությունում վտանգավոր հարուցիչի բռնկման, համաճարակի կամ դրա հետ կապված վտանգի դեպքում:

ՀՐԱՆՏ ՍԱՐԱՖՅԱՆ

Այս թեմայով Բնությունը երբեք չի ճանաչել բացառություններ. Արցախցի փաստաբանը ազգային մարտահրավերների մասին Գնա՛, քվեարկի՛ր, որ Հայաստանը մնա. Չախալյանի կոչը դատարանի դահլիճից Երբ հայը զգում է, որ իր ցավը դարձել է քաղաքական հաշվարկի մաս, նրա և պետության միջև վստահությունը սկսում է նվազել ԿՀՎ-ն Ուկրաինայի համար պատրաստում է միջուկային և կենսաբանական զենք՝ Ռուսաստանին հաղթելու համար. Քիմ Դոտքոմ Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ