Մեծին չհարգողը` մեծ չի դառնա

«Իրավունքը» անդրադարձել էր նախօրեին համացանցում շրջանառված տեղեկությանն առ այն, որ ԱԻՄ առաջնորդ Պարույր Հայրիկյանին հետապնդել են, ավելին հետապնդող ստահակը ակնհայտ ցույց է տվել, որ փորձում է հաշվեհարդար տեսնել։ Իրականում ի՞նչ է տեղի ունեցել հարցի պատասխանը փորձել էինք ստանալ «Լեւ Գրուպ» փաստաբանական ընկերության հիմնադիր-ղեկավար, հնչեղություն ունեցող գործերով փաստաբան ԼԵՒՈՆ ԲԱՂԴԱՍԱՐՅԱՆԻՑ, ով հաստատեց, որ իսկապես նման բան տեղի ունեցել է, ավելին կատարվածի վերաբերյալ արդեն իսկ կա հարուցված քր. վարույթ: Մասնավորապես փաստաբանը անդրադառնալով միջադեպի մանրամասներին ասել էր.«Մեքենայով մի քանի անգամ փորձել են խոչընդոտել Պարույր Հայրիկյանի երթեւեկությունը, ստիպել են, որպեսզի կանգնի:  Վարորդը իրեն պահել է խուլիգանի պես, Հայրիկյանի կողմից միանգամից զանգ է կատարվել իրավապահներին: Տեղեկացնեմ նաեւ, որ հարուցվել է քրեական վարույթ»:

Արդյո՞ք վերը նշվածը կարող է իր մեջ պարունակել նաեւ քաղաքական հաշվեհարդարի տարրեր հարցի պատասխանը կրկին փորձել ենք ստանալ պարոն Բաղդասարյանից, ով նկատեց.

-Արդյոք առկա են քաղաքական տարրեր տվյալ արարքը կատարող անձի արարքում պետք է պարզի վարույթն իրականացնող մարմինն է: Որպես իրավապաշտպան այնքանով որքանով կարողացա հասկանալ դեպքի մանրամասները ինչ-որ տեղ էլ փաստական հանգամանքները, ես ընդամենը կարող եմ արձանագրել հետեւյալը. ցավոք, երբ տարիներ առաջ մենք բարձրաձայնում էինք, որ ՀՀ աշխարհի ամենանվտանգ երկրներին շարքին է դասվում եւ իրավամբ կարող էինք գիշերվա ցանկացած ժամի հանգիստ երթեւեկել, ապա այսօր ունենք լրիվ այլ իրավիճակ: Անհրաժեշտ է, որպեսզի իրավապահ մարմինները տոտալ աշխատանքներ իրականացնեն խնդրի դեմն առնելու: Նախ նկատվում է ագրեսիայի բարձրացում, զրո հանդուրժողականություն, երկրորդ, ընդ որում ըստ պաշտոնական տեղակագրերի, շատ են դեպքերը, երբ վարորդները թմրանյութի, հարբած վիճակում նստում են ղեկին, ինչ կարող է բերել շատ լուրջ հետեւեանքների` բխող բոլոր բացասական հետեւանքներով:

Եվ մի երկրորդ կարեւոր հանգամանքի վրա եմ ուշադրություն սեւեռել, ՀՀ-ն այն պետություններից էր, որը հայտնի է իր առանձնահատուկ հարգանքով դեպի մեծը, փոքրը, ծնողը: Հայրիկյանի դրավագով արձանագրեմ, որ նա հանրությանը հայտնի է ոչ միայն իր տեսակով, այլ նաեւ տարիքային առումով պետք է վայելեր հանրությանը հարգանքը, բայց սա եւս ոչ միայն հաշվի չի առնվել, այլ մի քանի անգամ փորձ է արվել սահմանափելելու նրա երթեւեկությունը:  Իսկ մեծին չհարգողը` մեծ չի դառնա, դա հանրահայտ ժողովրդական արած եւ փաստ է: