Ռաֆայել Աբրահամյանը խեղդում հնարքով հաղթեց ազգությամբ թուրք մարզիկին

Ռուսաստանաբնակ հայ մարզիկ ՌԱՖԱՅԵԼ ԱԲՐԱՀԱՄՅԱՆՆ այսօր Երեւանում կայացած խառը մենամարտերի (MMA) սերիայի 61-րդ մրցաշարում խեղդում հնարքով հաղթեց Ղազախստանը ներկայացնող ազգությամբ թուրք մարզիկ Էլդար Կախորմանովին: 

Հիշեցնենք, որ երեկ հայացքների մենամարտի ժամանակ՝ ի պատասխան մրցակցի սադրիչ հայտարարությունների՝ հայ մարզիկն ասել էր. «Նա խոսում է իմ հետ մինչեւ մենամարտը, իսկ մենամարտի ժամանակ արդեն ես եմ խոսելու ու վստահ եմ, որ ինքն է այդ ժամանակ լուռ մնալու: Այնպես որ, մինչեւ մենամարտը թող զվարճացնի, իսկ օկտագոնում ես եմ զվարճանալու»:

Եվ, իսկապես, Ռաֆայել Աբրահամյանը չէր սխալվում, որովհետեւ ինչպես ինքն էր ասում. «Աստված մեր հետ է»: Նա իսկական տոն պարգեւեց MMA-յի հայ երկրպագուներին:

Ի դեպ, երեք տարի առաջ Սամարա քաղաքում կայացած Ռաֆայել Աբրահամյանի հաղթական մրցապայքարը ազգությամբ թուրք Բաթուհան Աքդումանի հետ նույնպես ավարտվել էր խեղդում հնարքով: 

ՀՐԱՆՏ ՍԱՐԱՖՅԱՆ

Հ.Գ.- Նշենք, որ մրցաշարի լրատվության եւ հանրային կապերի համակարգողը Դավիթ Ղարիբյանն է։

Այս թեմայով Ադրբեջանական ագրեսիայի հետևանքով Արցախն ունեցել է 220-ից ավելի զոհ Դե ԱԳՆ-ն փակե՛ք, Միրզոյանն ասում ա՝ Մատենադարանի տնօրենը Հաջիևի պատասխանը տվել ա․ Աբրահամյան Թուրքերից չեք տարբերվում, նրանք էլ էին նույնը ասում. Խաչատրյանը՝ Եղոյանին Ո՞վ է պահելու հայ-թուրքական և հայ-իրանական հսկայական սահմանը ՌԴ-ի դուրս գալուց հետո․ Աբրահամյան «Հրապարակ»․ Թուրք գործարարներին հրավիրել են ԵՄ-ի հաշվին