Խաղաղության պայմանագիրը նույնն ա, որ մեկին ասես՝ գալու ենք աղջկադ ուզելու, բայց անընդհատ քլնգես. Պետրոսյան

ՀԱՊԿ գագաթնաժողովին Նիկոլ Փաշինյանը լիազորված չէր ներկայացնել Հայաստանը: Այս մասին պնդում է ԱԺ նախկին պատգամավոր, իրավաբանական գիտությունների թեկնածու, դոցենտ ԳԵՎՈՐԳ ՊԵՏՐՈՍՅԱՆԸ:

— ՀԱՊԿ կանոնադրության համաձայն` այդ կազմակերպության խորհրդի անդամ կարող է լինել պետության ղեկավարը: Իսկ 2018 թվականի փոփոխության համաձայն` ինչպես նաեւ կառավարության ղեկավարը, եթե այդ մասին նախատեսված է ներպետական օրենսդրությամբ: ՀՀ-ում, համենայնդեպս, ես չեմ հանդիպել այնպիսի նորմատիվ իրավական ակտ, համաձայն որի, վարչապետը, իսկ ավելի ստույգ` վարչապետի աթոռին հայտնված անձնավորությունը իրավունք ունի ՀԱՊԿ խորհրդում Հայաստանը ներկայացնել: Սահմանադրության 6-րդ հոդվածի առաջին մասի համաձայն` պետական մարմինները, տեղական ինքնակառավարման մարմինները եւ պաշտոնատար անձինք իրավասու են իրականացնել միայն այնպիսի գործողություններ, որոնց համար լիազորված են Սահմանադրությամբ կամ օրենքներով: Ես այդպիսի օրենք չեմ տեսել, որը վարչապետին լիազորի մասնակցել ՀԱՊԿ-ի գագաթնաժողովին` որպես խորհրդի անդամ: ՀՀ գործող Սահմանադրության 123-րդ հոդվածի համաձայն, պետության գլուխը նախագահն է: Պետությունը նախագահն է ներկայացնում ի պաշտոնե, այլ է խնդիրը, որ այսօրվա ՀՀ նախագահը երկրի ղեկավարման հետ այնքան կապ ունի, որքան ես` լազերային էպիլիացիայի:

ՀՐԱՆՏ ՍԱՐԱՖՅԱՆ

Այս թեմայով Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան Հայաստանը չի պատրաստվում հրաժարվել ռուսական շուկայից․ Գևորգ Պապոյան Մահացել է բալետի արտիստ Սերյոժա Պետրոսյանը Պառլամենտական ընդդիմությունը ձայն չի հանելու կամ մարմնաշարժություններ է անելու`իբր դեմ է․ Պետրոսյան ՀՀ-ում պետք է ստեղծվի նոր քաղաքական էլիտա, որը կփոխի համակարգը. Վազգեն Պետրոսյան