Երեւանցուն պետք է հնարավորություն տալ, որպեսզի շնչահեղձ չլինի իր քաղաքում. Հայտնի փաստաբանի ուշագրավ դիտարկումը

Երևանի քաղաքապետարանի աշխատակիցները մայրաքաղաքի փողոցներում կայանատեղիներից հեռացրել են կանգնակները: Արդյոք իրավաչափ է վերը նշված գորխառույթը եւ արդյոք նման գործողություններ անելու իրավասություն տրված է քաղաքային իշխանությանը հարցի պատասխաանը փորձել ենք ստանալ «Լեւ Գրուպ» փաստաբանական ընկերության հիմնադիր-ղեկավար, հնչեղություն ունեցող գործերով փաստաբան ԼԵՒՈՆ ԲԱՂԴԱՍԱՐՅԱՆԻՑ, ով նախ հետեւյալ նկատառումներն արեց.

-Ըստ էության, եթե բացակայում է թույլտվություն մասնավոր կամ իրավաբանական անձանց կողմից ունենալու կայանման թույլտվություն սեփականության օգտագործման իրավունքով` միանշանակ իրավաչափ են քաղաքային իշխանությունների գործառույթները: Պարզապես նման դեպքում ես կարեւորում եմ հետեւյալ հանգամանքը, դա ընդամենը գլոբալ գործառույթ է, որովհետեւ ոչ միայն պետք է վերացնել այդ կանգնակները, այլ նաեւ վարչական պատասխանատվության ենթարկել: Միեւնույն ժամանակ կարծում եմ, որ այս գործառույթները որակ չապահովող գործառույթներ են, որովհետեւ քաղաքային իշխանությունը ունի պարտավորություն նաեւ պատճառները տեսնելու եւ վեր հանելու: Վերջին հաշվով արձանագրենք, որ Երեւան քաղաքում, ատավելեւս փոքր կենտրոնում է, բացակայում են համապատասխան մեքենանների կայանման տեղերը, եւ դա պատճառը, որ շատ հաճախ մեքենանները կանգնում են ինչպես երկրորդ, այնպես էլ երրորդ շարք: Եվ այստեղ միանշանակ ունի պարտավորություն քաղաքային իշխանությունը գլոբալ առումով լուծումներ գտնելու: 

Փաստաբանը հատուկ ընդգծում է նաեւ.

-Հաջորդ խնդիրը, որին կցանկանամ առիթից օգտվելով, դա այն է, որ պետք է պատասխանատվության ենթարկել այն անձանց, որոնց պատճառով ունենք մայրաքաղաքում նման իրավիճակ: Այսօրվա վիճակի համար մեղավոր են այն ճարտապետները, քաղաքապետները, ովքեր ժամանակին տալիս էին շենք-շինություններ կառուցելու թույլտվություններ: Նրանք պետք է գիտակցեին, որ պետք էր ոչ միայն շենք-շինությունների թույլտվություններ տալ, այլ նաեւ նրանց սպասարկման հետ կապված ճանապարհների, կայանների թույլտվությունը եւս պետք էր տալ, որը չի արվել: Եվ այսօր, եթե քաղաքային իշխանությունները, իրավամբ ցանկանում է գլոբալ առումով այդ խնդիրները լուծել պետք է օր առաջ մեղավորներին պատասխանատվության կանչելուց սկսեն` հետ գնալով նախկին քաղաքապետների եւ ճարտապետների հետքերով, որոնց թեթեւ ձեռքով մենք ունեցանք գերծանրաբեռնված փոքր կենտրոնը:

Ի վերջո միայն ասելով չի, որ երեւանցին է Երեւանի տերը, երեւանցուն պետք է հնարավորություն տալ, որպեսզի շնչահեղձ չլինի իր քաղաքում:

ԻԼՈՆԱ ԱԶԱՐՅԱՆ