Ինչո՞ւ եք թալանում ժողովրդի ինքնապաշտպանական բնազդը. Ռուբեն Մելքոնյան

Ըստ ԵՊՀ Արեւելագիտության ֆակուլտետի դեկան, թուրքագետ ՌՈՒԲԵՆ ՄԵԼՔՈՆՅԱՆԻ` Հայաստանի դեմ մարտահրավերները ոչ միայն արտաքին են, այլեւ` ներքին: Պրոֆեսորի կարծիքով` այդ ներքին մարտահրավերների մեջ հատկապես կարեւորվում է կեղծ ու սուտ ինֆորմացիայի տարափը, որի թիրախը մեր հասարակությունն է:

— Ի մասնավորի` Թուրքիայի եւ Ադրբեջանի, դրանից բխող վտանգների, այլափոխված, խեղաթյուրված պատկերի ներկայացումը, որի նպատակները չեն  կարող լինել հայաստանանպաստ, այսինքն` մեր հասարակությանը ներկայացնում են Թուրքիայի, Ադրբեջանի հետ ոչ միայն հարաբերություններ կարգավորելու, այլեւ բարեկամանալու հնարավորություն, որի հավաքական անվանումն է «խաղաղության դարաշրջան»: Սակայն սա որեւէ կապ չունի իրականության հետ, եւ ավելին` չկա որեւէ  նախադրյալ` դրան հասնելու համար: Ի դեպ, այս սին եւ դատարկ խաղաղության դարաշրջանի տապալվելու մասին սկսել են խոսել նույնիսկ իշխանությունները` անուղղակի կամ ակնարկներով` միեւնույն ժամանակ պնդելով, թե հավատում են այդ կեղծիքին եւ գնալու են այդ ճանապարհով: Մինչդեռ մասնագետներն ի սկզբանե պնդում էին, որ խաղաղության մասին խոսելն անիմաստ է: Իշխանության ներկայացուցիչների թեզերը Հայաստան-Թուրքիա հարաբերությունների մասին համընկնում են Ժիրայր Լիպարիտյանի (ՀՀ առաջին նախագահի խորհրդական) թեզերի հետ եւ դառնում Հայաստանի պաշտոնական դիրքորոշում: Սա ունի մի շատ մեծ վտանգ. այս թեզերը ապակողմնորոշում են հասարակության մի մասին, հատկապես Երեւանից դուրս: Ինչո՞ւ եք խաբում ժողովրդին` կեղծ խաղաղասիրական թեզեր տարածելով, թե թուրքերն ու ադրբեջանցիներն իրականում այդքան էլ վատը չեն, ինչո՞ւ եք թալանում ժողովրդի ինքնապաշտպանական բնազդը եւ նրան մենակ թողնում թշնամու առաջ, ով խոսում է Սեւանը, Ջերմուկը, Երեւանը գրավելու իր բացահայտ ցանկությունների մասին:

ՀՐԱՆՏ ՍԱՐԱՖՅԱՆ

Այս թեմայով Վահրամ Սահակյանի գործով դեռ փակագծեր չեմ բացի․ Մելիքյան Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Սևանում ապամոնտաժվել է Ռուբեն Հայրապետյանի առանձնատան՝ ապօրինի կառուցված պարիսպը․ . factor.am