Ակտիվ փողոցային պայքարը որոշակի դադար է վերցրել. Ագնեսա Խամոյան

ԱԺ «Հայաստան» խմբակցության պատգամավոր ԱԳՆԵՍԱ ԽԱՄՈՅԱՆԸ վստահեցրեց, որ խորհրդարան վերադառնալով` իրենց նպատակներում փոփոխություն չի եղել. այն շարունակում է մնալ այս իշխանությունների հեռացումը:

— Ընդդիմությունը միշտ ԱԺ-ում իր օրակարգով է, այդ օրակարգերը վերաբերում են Արցախին, Հայաստանի անվտանգությանն առնչվող հարցերին, մեր քաղաքացիներին, մեզ շուրջ 300 հազար ձայն տված քաղաքացիների հարցերին: Մեր քայլերի, մեր նպատակների մեջ որեւէ փոփոխություն չի եղել: Մարտավարական որոշակի փոփոխություններ կարող են լինել, որովհետեւ գործընթացի ընթացքում կարող են արձանագրվել որոշակի շեղումներ: Ընդգծեմ, որ ընդդիմությունն ամբողջությամբ դուրս չէր եկել խորհրդարանից, եւ այս ընթացքում, փողոցային պայքարին զուգահեռ, նաեւ որոշակի խորհրդարանական աշխատանք ենք իրականացրել: Այո, ծավալների որոշակի փոփոխություն է տեղի ունեցել, որովհետեւ ակտիվ փողոցային պայքարի մեջ էինք: Ակտիվ փողոցային պայքարը որոշակի դադար է վերցրել, եւ մենք փոխել ենք ծավալները՝ ԱԺ-ում մեր աշխատանքների մասով:

— Իշխանության ներկայացուցիչները, արձագանքելով ընդդիմության խորհրդարան վերադարձին, հեգնում են, թե «գլուխները կախ եկան խորհրդարան»: Ի՞նչ կասեք այս մասին:

— Առաջարկում եմ՝ Ալիեւի առաջ խրոնիկ գլուխ կախողները չխոսեն ընդդիմության գլուխ կախելու մասին: Մենք թույլ չենք տալու մեծամասնությանը` վերցնելու այն քվեն, որը մեզ տվել է շուրջ 300 հազար քաղաքացի: Մեզ տվել են քվե, որ մենք հեռացնենք այս իշխանություններին: Դա հեշտ չէ, բարդ է, բայց մեր նպատակների մեջ փոփոխություն չի արձանագրվել: Այո, այս փուլում չենք հաջողել, բայց պայքարը շարունակվում է: Հետեւություններ, եզրակացություններ անում ենք:

ՀՐԱՆՏ ՍԱՐԱՖՅԱՆ

Այս թեմայով Քոչարյանն ամբողջությամբ մտավ հակառուսական դաշտ Ucom-ը՝  Հայաստան – Միացյալ Թագավորություն բիզնես համաժողովի պաշտոնական գործընկեր Հայաստան ցեմենտի ներմուծման ժամանակավոր արգելքը վերացվեց ՎՏԲ-Հայաստան Բանկը կորպորատիվ հաճախորդներին առաջարկում է ազատ միջոցների կառավարման արդյունավետ լուծումներ Երբ տեղի կունենա Հայաստան-Իտալիա հանդիպումը