Նիկոլ Փաշինյանը երկրագնդի վրա փրկում է երկու բան՝ իր կաշին և իր կաշվից աթոռը, մնացած բոլորիդ «փուռն է տալու». Մամիջանյան

Արցախի հայության դեպքում ինքնորոշման իրավունքը հոմանիշ է կյանքի իրավունքին, այլապես, յուրաքանչյուր արցախցու կողքից պետք է կանգնի մեկ խաղաղապահ, դրան այլընտրանք չկա: Այս մասին լրագրողների հետ զրույցում ասել է «Պատիվ ունեմ» խմբակցության ղեկավար Հայկ Մամիջանյանը:

Ընդդիմադիր պատգամավորը հայտարարեց, որ արտերկրում հանդիպումների ընթացքում միջազգային գործընկերներն ասում են՝ Հայաստանի իշխանություններն ինչ մեզանից ուզում են, դրա շուրջ էլ բանակցում են.

«Սրանից կարող ենք եզրակացնել, որ իշխանությունները Արցախի ինքնորոշման մասին ոչ մի տառ չեն ասում, իրենք ձեռքները լվացել են Արցախից: Հանդիպումներից մեկի ժամանակ, որին ներկա էին նաև ՔՊ-ական պատգամավորները, միջազգային գործընկերներից մեկը պարզ հարց տվեց՝ եթե դուք զատում եք հայ-ադրբեջանական հարաբերությունները և արցախյան հակամարտության շուրջ բանակցությունները, ինչե՞ս եք պատրաստվում ապահովել արցախահայության անվտանգությունն ու իրավունքները, սա հասկանում են անգամ միջագային գործընկերները և զարմանում են՝ ինչպե՞ս կարող է Հայաստանի իշխանությունը, հիմնական բանակցողը ,ի սկզբանե, նման ցածր նշաձող դնել»,-ասաց Մամիջանյանը:

Ընդդիմադիր պատգամավորը դիմեց Նիկոլ Փաշինյանի«նեղ շրջապատին».

«Հպարտանում եք, որ Փաշինյանի հետ մեսիջներում նույն չատում եք, ձեզ համարում եք անձեռնամխելի, բայց Նիկոլ Փաշինյանը երկրագնդի վրա փրկում է երկու բան՝ իր կաշին և իր կաշվից աթոեը, մնացած բոլորիդ «փուռն է տալու»: Բոլորը ինչ-որ փուլում մեղավոր են նշանակվելու և քավության նոխազ են դառանալու: Ոչ մեկդ անձեռնմխելի չեք, Նիկոլ Փաշինյանն իրեն փրկելու համար նոր մեղավորներ է նշանակելու, սա ընդամենը ժամանակի հարց է»,-ասաց Մամիջանյանը: