Ռուս մեղադրյալը դատարան էր բերվել առանց տաբատի ու գուլպաների, ռետինե հողաթափերով, ակնհայտ մրսած վիճակում. փաստաբան

«ՔԿ Աջափնյակ եւ Դավթաշեն վարչական շրջանների քննչական բաժնում քննվող քրեական գործով, ազգությամբ ռուս, Վլադիվոստոկ քաղաքի բնակիչ, մի շարք հիվանդություններով տառապող, մեղադրյալի նկատմամբ խափանման միջոց կալանք ընտրելու համար նա ժամը՝ 21:00-ին, երբ դրսում ջերմասիճանը 8 աստիճան էր, դատարան էր բերվել առանց տաբատի ու գուլպաների, ռետինե հողաթափերով և շորտով, ակնհայտ մրսած վիճակում։ Քննիչը պատճառաբանում է, որ քանի որ նա այդ հագուստներով է բռնվել ու տարվել ՁՊԸ, ապա ինքն իրավունք չունի փոխել նրա հագուստը։ Հետաքրքիր է, թե՝ ով պետք է արգելեր քննիչին, համապատասխան փաստաթղթով, նրա հագուստը փոխել։

 

Թարմ է հիշողությունները, թե՝ ինչ վրդովմունքի ալիք ապրեցինք, երբ՝ 2013թ․ հուլիսի 15-ին Մոսկվայում մեր հայրենակց Հրաչյա Հարությունյանին դատարան էին տարել կանացի խալաթով։ Լավ է որ ամառ էր։ Ինչ է մենք մեր վերաբերմունքով պետք է կրկնենք ուրիշի, անմարդկային, վարքագիծը։

Անձը արդեն 2 օր ձերբակաված վիճակում բերվում էր քննչական բաժին և վերադարձվում է ՁՊՎ։ Վարույթն իրականացնող մարմնի կողմից անտեսվել է այդ ընթացքում պաշտպանական կողմի բազմաթիվ խնդրանք-հորդորները, որ նա Երևան քաղաքոււմ վարձակալած բնակարանում երեք ճամպրուկներով հագուստ ու կոշիներ ունի, վերջին հաշվով նրա մոտ կանխիկ գումար է հայտնաբերվել ու վերցվել, սակայն նրա համար տարվա եղանակին հարմար տարրական հագուստ չի ապահովվել։

 

Դատարանը բավարարեց պաշտպանական կողմի միջնորդությունը, ճանաչեց մեղադրյալի իրավունքների խախտումը, միջնորդության քննությունը հետաձգեց և պարտավորեցրեց վարույթն իրականացնող մարմնին մեղադրյալին դատարան ներկայացնել պատշաճ և տարվա եղանակին հարմար հագուստով», - գրել է փաստաբան ԼՅՈՒԴՎԻԳ ԱՎԵՏԻՍՅԱՆԸ։