Պետք է խփենք այս «հեղափոխության» դագաղի վերջին մեխը. Հովհաննես Խաչատրյան

«Դիմադրություն» շարժումը նոյեմբերի 5-ին հրավիրում է համազգային հանրահավաքի: Այս մասին «Իրավունք TV»-ի տաղավարում զրուցել ենք ՀՀԿ խորհրդի անդամ ՀՈՎՀԱՆՆԵՍ ԽԱՉԱՏՐՅԱՆԻ հետ:

— Ստեփանակերտի Վերածննդի հրապարակում տեղի ունեցած հանրահավաքի ժամանակ արցախահայությունը դիմեց մայր Հայաստանին` կոչ անելով միանալ իրենց, պայքարել իրենց հետ միասին: Չե՞ք կարծում, որ նոյեմբերի 5-ին հանրահավաք անելը բավական ուշացած է:

— Կարծում եմ` ուշ չէ: Հայաստանում կա երկու տեսակետ. մեկը այս իշխանություններն են առաջ մղում, թե նոյեմբերի 9-ը մեզ համար դատավճիռ է եւ պետք է համակերպվենք այս կարգավիճակի հետ, պետք է հանձնենք, որ կարողանանք գոյատեւել: Բայց կա այլ տեսակետ, որն առաջ է քաշում ընդդիմությունը կամ իրեն հայ համարող ցանկացած մարդ: Հետեւապես, յուրաքանչյուր հայ այդ օրը պետք է գտնվի Ֆրանսիայի հրապարակում` ոչ թե կանգնելով որեւէ քաղաքական դեմքի, քաղաքական ուժի, այլ` Արցախի կողքին: Արցախն այսօր հանդիսանում է Հայաստանի անվտանգության երաշխավորը, եւ, կանգնելով արցախցու կողքին` մենք փրկում ենք Հայաստանի անվտանգությունն ու տարածքային ամբողջականությունը:

— Բայց հանրության մի զանգված հիասթափված է, ասում են` ամիսներով եղան հանրահավաքներ, տարբեր ակցիաներ, սակայն ոչինչ էլ չփոխվեց: Ի՞նչ կասեք այս մասին:

— Արցախում տեղի ունեցած հուժկու հանրահավաքը նաեւ այդ մարդկանց մոտ կբարձրացնի այն տրամադրվածությունը, որ իրենք էլ գան եւ մասնակցեն հանրահավաքին: Ճիշտ է, նման բողոքներ, խոսակցություններ կան նաեւ ընդդիմադիր դաշտում: Այսօր ընդդիմադիր դաշտն էլ բազմակարծիք է: Դրա համար մենք առաջարկել ենք` դուք հրավիրեք հանրահավաք, դուք քայլեր ձեռնարկեք, մենք կգանք ու կմիանանք: Սակայն, այս պահին չպետք է պառակտել ընդդիմությանը եւ պետք է հանուն մեկ գաղափարի` հանուն մեր պետականության, մեր ինքնիշխանության, ուղղակի, կանգնել այն մարդկանց կողքին, ով իրապես եւ խորապես ցավում է Հայաստանի եւ Արցախի համար:

— Ի՞նչ եք ակնկալում նոյեմբերի 5-ի հանրահավաքից` այն վերջնագի՞ր է լինելու, թե՞ շարունակական հանրահավաքների սկիզբ:

— Նոյեմբերի 5-ից սկսած` մենք բոլորով միասին պետք է խփենք այս «հեղափոխության» դագաղի վերջին մեխը:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Հրկիզել են Երեւանի ավագանու «Մայր Հայաստան» խմբակցության անդամ Գևորգ Ստեփանյանի ընտանիքի ավտոմեքենան (վիդեո) Անմար ոգի, Սյունյաց քոչարի. Սյունիքում պարային հրավառություն է սպասվում Սա է դատարկ արևմտամետության կնոջ օրինակը․ Ժաննա Ալեքսանյանը՝ Անի Խաչատրյանի մասին Հպարտացա իմ թիմով որպես հայ տղամարդիկ. Անի Խաչատրյանը՝ միջադեպի մասին. տեսանյութ Գան մեզ հայհոյեն, խփեն, ու մենք տենց ասենք՝ մեր այս այտին էլ խփե՞ք. Անի Խաչատրյան. տեսանյութ