Արցախը վճռական է տրամադրված. նոր մանրամասներ՝ վաղվա կայանալիք հանրահավաքից

Թե ինչ է սպասվում Ստեփանակերտի Վերածննդի հրապարակում հոկտեմբերի 30-ին կայանալիք հանրահավաքին, «Իրավունքին» ուշագրավ մանրամասներ են հայտնի դարձել:

Նախ նշենք, որ ուղիղ ժամը՝ 15:00-ին կմեկնարկի Արցախի Ազգային ժողովի արտահերթ նիստը, իսկ նույն ժամին զուգահեռաբար արցախահայությունը կհավաքվի հրապարակում: ԱԺ արտահերթ նիստի ավարտին կընդունվի հայտարարություն, մասնավորապես այն շեշտադրմամբ, որ ցանկացած իրավիճակում բրյուելյան, այսպես կոչված, պայմանագրի ստորագրման տարբերակին Արցախը դեմ է եւ արցախահայությունն իր անվտանգության երաշխիքը տեսնում է Ռուսաստանի հետ: Այնուհետեւ հայտարարությունն ընդունելուց անմիջապես հետ պատգամավորները կմիանան հանրահավաքի մասնակիցներին:

Վերածննդի հրապարակի բեմից հանդես կգան ինչպես պատգամավորները, այնպես էլ տարբեր քաղաքական, հասարակական գործիչներ: Ընդ որում՝ խտրականություն չի դրվելու որեւէ մեկի նկատմամբ: Այս պահի դրությամբ՝ հավաստի տեղեկություններ կան, որ հանրահավաքին մասնակցելու են Արցախի ե՛ւ նախկին, ե՛ւ ներկա նախագահները, ինչպես նաեւ նախկին եւ ներկա պաշտոնյաները, գեներալիտետը:

Ի դեպ, արցախցիները շատ ոգեւորված են՝ վաղվա հանրահավաքի նախապատրաստական աշխատանքներով, բեմն արդեն պատրաստ է, իսկ հանրահավաքի ժամանակ հրապարակ կբերվի մի քանի մետր երկարություն ունեցող Արցախի պետական դրոշը: Արցախահայությունը վճռական է տրամադրված, նրանք հստակ արդյունքներ են ակնկալում վաղվա հանրահավաքից:

ԻԼՈՆԱ ԱԶԱՐՅԱՆ

Ստեփանակերտ-Երեւան

Այս թեմայով Մտորումներ Վալենտին Օսկոցկու եւ հայկական Ղարաբաղի կրկնվող ողբերգության մասին Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու»