Սորոսականները եկել են Հայաստանն ու Արցախը քանդելու. Մադլեն Ասրյան

ՀՀ վաստակավոր արտիստ ՄԱԴԼԵՆ ԱՍՐՅԱՆԻ գնահատմամբ՝ այսօր վտանգված է ոչ միայն Արցախը, այլեւ Հայաստանը: Նա այս մասին նշեց «Ուժեղ Հայաստան Ռուսաստանի հետ. հանուն նոր Միության» շարժման եւ Հայաստանի հականացիստական ճակատի կազմակերպած «Առաջ Արցախ» խորագրով կլոր-սեղանի ժամանակ:

«Մենք մեր մի բուռ մնացած Արցախն ուզում ենք պահել, ինչի համար մի ճար պետք է գտնենք: Իսկ ելքն օր առաջ, ժամ առաջ, վայրկյան առաջ հայաստանյան ապիկար կառավարությունից մի կերպ ազատվելն է: Ովքեր 2018-ին գնացել են սրանց հետեւից, ինձ համար, միեւնույն է, որ այսօր ներողություն են խնդրում, ասում են, թե փոշմանել են: Եթե նրանց գիտակցությունն այդքան է եղել, որ ինչ-որ Նիկոլի հետեւից գնացել են, իմ աչքին երբեք բարձր տեղ չեն ունենա», - շեշտեց ՀՀ վաստակավոր արտիստը:

Մադլեն Ասրյանը նաեւ մտահոգություն հայտնեց, որ սորոսականները շարունակում են իշխել ինչպես Հայաստանում, այնպես էլ Արցախում:

«Սորոսականները եկել են ամբողջ Հայաստանն ու Արցախը քանդելու: Հասարակ ժողովրդին հասանելի ձեւով պետք է զգուշացնել, որ մեր Հայրենիքը կործանման են հասցրել, անդունդի եզրին ենք կանգնած: Ով ինչ է արել, ով ինչպես է արել, բոլորս էլ գիտենք, հիմա լուծումներ գտնելու ժամանակն է, թե ինչպես շուտ ազատվենք այս նեռից, որը եկավ ու կործանեց հայ ազգին, Հայաստան ու Արցախ աշխարհը», - եզրափակելով խոսքը՝ ընդգծեց Արցախի այան:

ՀՐԱՆՏ ՍԱՐԱՖՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Նախկին վարչապետի ընտանիքը սգում է Ով է ստում․ Ավինյանը, թե՞ Փաշինյանը Երգչուհի Զառան հուզիչ գրառում է արել որդիների մասին Մահացել է բալետի արտիստ Սերյոժա Պետրոսյանը