Արեւմտյան պրոյեկտին մենք դեմ ենք. Աշոտ Ավալյան

ՀԺԱՄ կուսակցությունը համակարծիք է «Առաջ Արցախ» խորագրով կլոր սեղանի ժամանակ «Ուժեղ Հայաստան Ռուսաստանի հետ. հանուն նոր Միության» շարժման եւ «Հայաստանի հականացիստական ճակատ»-ի հրապարակած հայտարարության հետ, որը վերաբերում էր Արցախի հարցի ներկա վիճակին ու զարգացումներին եւ հայ-ռուսական հարաբերություններում տեղի ունեցող գործընթացներին: Կուսակցության քաղխորհրդի նախագահ ԱՇՈՏ ԱՎԱԼՅԱՆԸ հստակ արձանագրեց, որ խնդրի լուծման արեւմտյան նախագծին իրենք դեմ են եւ ավեի շատ հակված են ռուսական նախագծին: Միաժամանակ ՀԺԱՄ-ը  քննադատում է առկա հակառուսական հիստերիան` գտնելով, որ այն մեզ ոչ մի լավ տեղ չի տանելու:

— Եթե նախկինում քողարկված էր հակառուսական ագիտացիան տարվում, ապա հիմա, կարծես թե, արդեն այդ կարմիր գիծը հատվել է, եւ բացահայտ հակառուսական հիստերիա է տարածվում: ՌԴ պետդումայի պատգամավոր Կոնստանտին Զատուլինին ոչ ցանկալի անձ հայտարարելը մեր երկրում, կարծում եմ` նախեւառաջ անգրագիտության վերջն էր: Այնքան են ցայտնոտի մեջ եղել, որ օրենսդիրով են տեղյակ պահել, մինչդեռ սա գործադիր մարմնի լիազորությունների շրջանակի խնդիր էր: Ամեն դեպքում, կարծում եմ` եթե Զատուլինը չլիներ, նրա փոխարեն կլիներ մեկ ուրիշը, երրորդը, չորրորդը, որին պերսոնա նոն գրատա կհռչակեին: Բայց սրանով նրանք միանգամից արթանցրին ժողովրդին` ցույց տալով, որ իրենք Ռուսաստանի հետ հարաբերությունները տանում են այլ ուղղությամբ: Ինչ վերաբերում է  խաղաղության պայմանագրին, արեւմտյան պրոյեկտը բացարձակ հայ ժողովրդի շահերից չի բխում: Եթե նայում ենք դրա կետերը, ապա տեսնում ենք, որ այնտեղ  «խաղաղություն» բառից բացի, ոչ մի դրական բան չի երեւում: Իսկ այլընտրանքը ռուսական նախագիծն է, որտեղ Արցախի կարգավիճակի խնդիրը թողնված է ապագային, եւ այստեղ գոնե կառչելու տեղ կա: Հետեւապես, կուզենայի, որ այն կայծը, որը բորբոքվել է Արցախում, ավելի ինտենսիվ զարգացում ունենար նաեւ Հայաստանում:

ՀՐԱՆՏ ՍԱՐԱՖՅԱՆ

Այս թեմայով Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան Ո՞ւմ խորհրդով է Գևորգ Մուրադյանը հայտնվել Սամվել Կարապետյանի նախընտրական շտաբում Աշխատանքից ազատվել է ՀՀ վարչապետի աշխատակազմի Ռազմավարական հաղորդակցության վարչության պետը Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է Շնորհակալ եմ յուրաքանչյուրիդ՝ չլռելու, անհանգստանալու, աջակցելու և մեր կողքին լինելու համար․ Չախալյան