ՀՀ-ն եւ Արցախը չեն պարտվել, այլ պարտվել է քաղաքական ղեկավարությունը. Դանիելյան

Ադրբեջանական ընդդիմադիր լրատվամիջոցներից մեկը, որը գործունեություն է ծավալում Գերմանիայում, սկանդալային ձայնագրություն է հրապարակել, որտեղ մի շարք բացահայտումներ են արվում 44-օրյա պատերազմի եւ դրանում ադրբեջանական զորքերի խնդիրների վերաբերյալ: Ձայնագրությունը պատկանում է 2020 թ. նոյեմբերի 23-ին օկուպացված Մատաղիսում ականի վրա պայթած ադրբեջանցի օկուպանտ, առաջին կորպուսի հրամանատարի տեղակալ Բաբեկ Սամիդլիին: Ձայնագրությունն արվել է Սամիդլիի մահվանից օրեր առաջ, որտեղ ադրբեջանցի բարձրաստիճան զինվորականը փաստում է, որ ադրբեջանական զորքերն իրականում պատրաստ չեն էլ եղել 44-օրյա պատերազմին, իսկ հայկական զորքերն ունեցել են 30 տարվա պաշտպանական համակարգ, անհրաժեշտ սպառազինություն եւ զինամթերք, հետեւաբար հայկական կողմի պարտության պատճառները պետք է որոնել ոչ թե ռազմի, այլ քաղաքական դաշտում:

ՀՀԿ երիտասարդական կառույցի ղեկավար ՀԵՆՐԻԽ ԴԱՆԻԵԼՅԱՆԻ գնահատմամբ` սա եւս մեկ փաստ է, որ Նիկոլ Փաշինյանը եւ իր թիմը խաբում են՝ պնդելով, թե նախկինների ժամանակ հայկական կողմը սպառազինություն գնելու հնարավորություն չի ունեցել:

— Հրապարակված ձայնագրությունն այն մասին է, որ ՀՀ-ն եւ Արցախը չեն պարտվել, այլ պարտվել է քաղաքական ղեկավարությունը, իսկ հայկական բանակն այնպիսի կռիվ է տվել, որ ադրբեջանցիները կարծել են, թե հնարավորություն չունեն: Ըստ ձայնագրության` մենք մեջքից ենք հարված ստացել, այսինքն՝ տեղի ունեցածը քաղաքական պարտություն էր: Հիշեցնեմ 2016թ.-ին Իլհամ Ալիեւի այն հայտարարությունը, որ կուլիսների հետեւում իրեն ստիպում են ճանաչել Արցախի անկախությունը, ինչպես նաեւ նույն Ալիեւի՝ պատերազմի ժամանակ արած խոստովանությունը՝ «աղքատ Հայաստանին որտեղի՞ց այդքան փող՝ զենք գնելու համար»:

ՀՐԱՆՏ ՍԱՐԱՖՅԱՆ

Այս թեմայով Քոչարյանն ամբողջությամբ մտավ հակառուսական դաշտ Հիմա ևս երկու ադրբեջանցու են ման գալիս Սյունիքում. Արթուր Դանիելյան «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը «Հրապարակ»․ ՀՀԿ-ն կրկին ակտիվանում է