«Վերջապես կարողացա ապացուցել, որ «Արցախն» իմ ստեղծագործությունն է». Արա Գեւորգյան

Վերջերս ադրբեջանական մի հեռուստահաղորդման ժամանակ ադրբեջանցի երաժիշտը խոստովանել է, որ ադրբեջանցիները վերցրել են Արա Գեւորգյանի «Արցախը»` ներկայացնելով որպես ադրբեջանական ստեղծագործություն: Այս մասին «Իրավունքը» զրուցել է  ՀՀ վաստակավոր արտիստ, կոմպոզիտոր, երաժիշտ, երաժշտական պրոդյուսեր ԱՐԱ ԳԵՎՈՐԳՅԱՆԻ հետ:

— Պարոն Գեւորգյան, փաստորեն, Ադրբեջանի կողմից կատարվել է հեղինակային իրավունքների խախտում: Ինչպե՞ս եք վերաբերվում ադրբեջանական հեռուստաալիքում տեղի ունեցած ինքնախոստովանությանը:

— Աշխարհում կա չգրված օրենք, որ արդարությունը միշտ հաղթում է: Պարզապես պետք է հետեւողական լինել եւ պայքարել հեղինակային իրավունքների համար: Ես արդեն շուրջ 15 տարի է պայքարում եմ խախտված արդարության վերականգնման համար: Պատրաստեցի ֆիլմ, թարգմանեցի ռուսերեն: Այդ ֆիլմը թարգմանվեց ադրբեջաներեն նաեւ սփռվեց համացանցում, որպեսզի հասնի նրանց, եւ նրանք տեղեկանան, որ խախտում են իմ հեղինակային իրավունքները: Ծանոթանան, որ փաստեր գոյություն ունեն: Ամեն ինչն ապացուցեցի փաստերով, փաստաթղթերով, եւ այդ փաստերը դրվեցին բոլորի առջեւ: Իմ «Արցախ» ստեղծագործությունն իրենք օգտագործում էին իրենց պաշտոնական միջոցառումներում, ֆիլմերում: Եվ իմ պայքարի արդյունքում համոզվեցին, որ այդ ստեղծագործությունը իրական հասցեատեր ունի, երաժշտությունը պատկանում է ինձ` ես հայ ազգի ներկայացուցիչ Արա Գեւորգյանն եմ: Ի դեպ, <<Արցախ>> երաժշտության մեջ, բացի ինձնից, նվագում են նաեւ Ջիվան Գասպարյանը՝ դուդուկ, Հայաստանի ազգային ֆիլհարմոնիկ նվագախումբը , կիթառ` Կարո Սարաֆյան, բասկիթառ` Գագիկ Թորոյան, դհոլ` Նորայր Շառոյան: Այդ ամեն ինչով հանդերձ՝ իրենք վերցրել են իմ ձայնագրությունը եւ հնչեցնում են նույնությամբ իրենց պաշտոնական միջոցառումների ժամանակ: Կռիվ տալով, ֆիլմ պատրաստելով, փաստերն ու փաստաթղթերը հավաքելով` վերջապես կարողացա ապացուցել, որ «Արցախն» իմ ստեղծագործությունն է: Ես խորհուրդ կտամ մեր բոլոր հեղինակներին, ովքեր ունեն նման խնդիր, հետեւողական գնալ պայքարի ճանապարհով: Եվ մեր այն ազգային, աշուղական երաժշտությունը, կոմպոզիտորական ստեղծագործությունները, որոնք օգտագործվում են ադրբեջանցիների կողմից, փաստեր հավաքելով, պայքարել այդ ամենի դեմ, որպեսզի կարողանանք ապացուցել, որ դա մեր սեփական երաժշտությունն է եւ պատկանում է մեր ազգին: Ուրախ եմ, որ արդարությունը` թեեւ դժվարությամբ, բայց վերջապես հաղթեց:

ՆՈՒՆԵ ԶԱՔԱՐՅԱՆ

Այս թեմայով Արա՛, ձենդ մի բարձրացրու. հերիք ա զոհվածների անունները շահարկեք. իրավիճակը լարվեց Եռաբլուրում (Տեսանյութ) Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Լրջագույն խնդիր, որի պատասխանատուն ու կրողը քաղաքային իշխանությունն է Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին