Մոտակա օրերին ջերմաստիճանը կնվազի 8-10 աստիճանով. եղանակի տեսություն

այաստանի Հանրապետության առանձին շրջաններում հոկտեմբերի 18-ին սպասվում են տեղումներ, 19-ին և 20-ին սպասվում է առանց տեղումների եղանակ, 21-ին և 22-ին շրջանների զգալի մասում կրկին սպասվում է անձրեւ, հայտնում է Հայհիդրոմետկենտրոնը։
Միաժամանակ օդի ջերմաստիճանը հոկտեմբերի 21-ին և 22-ին կնվազի 8-10 աստիճանով։
Երկրի հյուսիսում՝ Շիրակում, հոկտեմբերի 18-ին օդի ջերմաստիճանը կլինի +15, իսկ հոկտեմբերի 22-ին կնվազի մինչև +11։ Կոտայքում այս օրերին օդը տաքանալու է մինչև +18 և +13, Գեղարքունիքում՝ +15 և +10։ Լոռիում հոկտեմբերի 18-ին սպասվում է +17, իսկ հոկտեմբերի 22-ին՝ +12։ Տավուշում +18 և +15.
Արագածոտնի մարզում հոկտեմբերի 18-ին օդը կտաքանա մինչև +20, իսկ հոկտեմբերի 22-ին կնվազի մինչև +13։ Արարատում, Արմավիրում +23 և +15, Վայոց Ձորում՝ +21 և +16: Հարավում՝ Սյունիքի մարզում հոկտեմբերի 18-ին սպասվում է +18 և +14 աստիճան տաքություն։
Երեւանում հոկտեմբերի 18-ի ցերեկը հնարավոր է կարճատև անձրեւ, 19-ին և 20-ին կդիտվի առանց տեղումների եղանակ, 21-ին և 22-ին կրկին կդիտվի անձրեւ:
Այսօր ցերեկը օդի առավելագույն ջերմաստիճանը կլինի +22: