ԱՄՆ-ն կհեշտացնի վիզաների տրամադրման կարգը, եվ դրանով կհայաթափվի հայոց հողը. Արմենուհի Դարչինյան

«Իրավունքը» զրուցել է բանաստեղծուհի, տնտեսագետ, իրավագետ ԱՐՄԵՆՈՒՀԻ ԴԱՐՉԻՆՅԱՆԻ հետ:

— Տիկին Դարչինյան, ԱՄՆ ներկայացուցիչների պալատի խոսնակ Նենսի Փելոսիի այցի մասին ի՞նչ կասեք:

— Աշխարհակարգ է փոխվում մեծ առումով, եւ Հայաստանը թեժ կետերից մեկն է այս պահին, հարավային դարպասն է Եվրոպան կապող Թուրքիայի հետ, եւ, բնականաբար, այս իրավիճակը շահագրգիռ երկրներին ձգում է հիմա Հայաստան՝ դիվանագիտական առումով, եւ բնական է, որ այս այցը պիտի լիներ ԱՄՆ-ի ներկայացուցչությունից: Մտածելու տեղիք է տալիս այս ծանր իրավիճակում հայտնելը, թե Միացյալ Նահանգները կհեշտացնի վիզաների տրամադրման կարգը Հայաստանի քաղաքացիների համար...Այսինքն՝ օգնել հայաթափե՞լ Հայոց հողը...Մի՞ թե դա էր կարեւոր հիմա հայտարարելը...

— Հակառուսական ալիք, որը գեներացվում է այս օրերին, Ձեր գնահատմամբ` ինչի՞ կհանգեցնի:

— Հակառուսական ալիք արդեն վաղուց շահագրգիռ էին ստեղծել եւ ծավալել որոշ քաղաքական ուժեր ու ոչ մի նպաստող  իրավիճակ բաց չեն թողել, սակայն ոչ մի դրական ձեռքբերման չի տանի այն մեր ազգին ու երկրին: Անկախ բազմաբնույթ կարծիքներից, Հայաստանի աշխարհագրական դիրքը միշտ թելադրել է, որ որեւէ հակառուսական քաղաքականություն վարելը մեծագույն վնաս կհասցնի երկրին: Փոխարենը պետք է վարել ճկուն եւ բազմակողմանի քաղաքականություն:

— Ելնելով ստեղծված իրավիճակից` ի՞նչ կանխատեսումներ կանեք:

— Դժվար է որեւէ կանխատեսում անել ստեղծված ծանր իրավիճակում, սակայն ես ավելի շատ կառաջնորդվեմ մեր ունեցած նախադեպերով ՝ իրավիճակին տիրապետողն ու թելադրողը կրկին Ռուսաստանն է լինելու՝ հայի համար շատ թե քիչ դրական արդյունքներով:

— Հայ-ռուսական մշակութային հարաբերություններն ամրապնդելու համար, Ձեր կարծիքով` ի՞նչ քայլեր պետք է ձեռնարկվեն:

— Լավ կլիներ, որ պարբերաբար կազմակերպվեր հայ եւ ռուս մտավորականների, գրող-մտածողների հանդիպում եւ կարծիքների համատեղ քննարկում՝ մշակույթների վերծանման ճիշտ գնահատման եւ  համագործակցության նպատակով: Դա կլիներ  քրիստոնյա, արմենական ազգերի ամուր կապող օղակ, ինչը շատ կարեւոր եմ համարում հիմա քրիստոնյա ազգերի համար, որովհետեւ առջեւում սպառնում է Միացյալ Թուրանի իրագործման դարավոր ծրագիրը:

— Հայաստանի՝ ՀԱՊԿ-ից դուրս գալու մասին որոշ հայտարարություններին ինչպե՞ս եք վերաբերվում:

— Կարծում եմ` ոչ դիվանագիտական քայլ կլինի այս իրավիճակում հապճեպ որոշմամբ դուրս գալ ՀԱՊԿ-ից, ճկուն քաղաքականություն վարելը հիմա առավել անհրաժեշտ է մեր դիվանագետներին: ՆԱՏՕ-ի կազմ մտնելն անիրագործելի է...

ՆՈՒՆԵ ԶԱՔԱՐՅԱՆ

Այս թեմայով Հայոց ցեղասպանությունը՝ ականտես-վերապրողի վկայությամբ Քիմ Քարդաշյանը հիշատակել է Հայոց ցեղասպանության 110-ամյակը (Photo) Թալինի համայնքապետի գլխավորությամբ թալինցիները հարգանքի տուրք մատուցեցին 1915թ.անմեղ զոհերի հիշատակին Աշխարհը պետք է ընդունի, որ Հայաստանն այլևս որբի գլուխ չի,որ ով ուզի, խուզի. Հայտնի փաստաբանի հայտարարությունը Մենք հիշում եւ պահանջում ենք, մենք միասնական ենք. Մխիթարյանը` Հայոց ցեղասպանության 110-րդ տարելիցի կապակցությամբ գրառում է արել