Գայանե Զարգարյանը արդար, ճիշտ ու ազնիվ Լրագրող ա, ու դրանով իսկ խանգարում է թե՛ ընդդիմությանը, թե՛ իշխանությանը. նրան կփորձեն լռեցնել, բայց դա չի հաջողվելու. էդ ես եմ Ձեզ ասում

<<Ով ուզում ա լինի իրավունք չունի որեւէ կերպ խոչընդոտել ազնիվ ու ճիշտ լրագրողի աշխատանքին։ Գայանեն արդար, ճիշտ ու ազնիվ Հայուհի ա, լրագրող ու դրանով իսկ խանգարում է թե՛ ընդդիմությանը, թե՛ իշխանությանը։ Ու հենց դա է պատճառը, որ միշտ ծախու մարդկանց թիրախում է։ Նրանք տանել չեն կարողանում ճիշտ մարդկանց. ոչ ես, ոչ Գայանեն ոչ ոքի, կներեք, դուդուկի տակ պար եկող չենք։ Լավ, ես զարմանում եմ, Դուք էս ինչքա՞ն եք իջել, որ փորձում եք ազնիվ կնոջ, պրոֆեսիոնալ մասնագետի վրա ինքնահաստատվել։ Գիտեք, կորցրած մարդը կարա հասկանա ազնիվ մարդու արժեքը, սրանք, որ չեն կորցրել դրա համար էլ էս աստիճանի տականք են։ Սրանք միլիոնավոր դոլարներ են ծախսում՝ ճիշտ մարդկանց վրա ստվեր գցելու համար։ Սրնաց համար թե՛ Գայանեի, թե՛ իմ տեսակը աններելի է, նրանք ամեն ինչ անելու են, որ իրենց կեղտերը ջրի երես չհանվեն։ Բայց չարաչար սխալվում են, ես միանշանակ դատապարտում եմ Գայանեի նկատմամբ տեղ ունեցածը, էս ամեն ինչը մի բան է փաստում՝ Գայանեն խանգարում է նրանց, պետք լռեցնեն, բայց դա չի հաջողվելու, էդ ես եմ Ձեզ ասում>>,-<<Իրավունքի>> հետ զրույցում անդրադառնալով օրեր առաջ տեղի ունեցած ակցիայի ժամանակ մեր գործընկեր, Newsmedia.am էլ․ օրաթերթի հիմնադիր-ղեկավար, ճանաչված լրագրող Գայանե Զարգարյանի նկատմամբ տեղի ունեցած դատապարտելի միջադեպին, որի ընթացքում մեր գործընկերը մարմնական վնասվածք է ստացել, ասաց զոհված զինծառայողի հարազատ, Տղաների թափած արյան համար մշտապես պայքարող, առաջնագծում գտնվող Արսեն Ղուկասյանը։
Բոլորը մի նպատակ են հետապնդում՝ ինչքան հնարավոր է ոչնչացնել էս ազգին։ Ո՛չ իշխանության, ո՛չ ընդդիմության համար մարդը, որպես մարդ արժեք չունի։ Երկու թեւի համար մի բան է պաշտելի, մի բանի համար են նրանք պատրաստ ամեն քայլի՝ դա փողն է, ուրիշ բան չի հետաքրքրում ո՛չ իշխանություներին, ո՛չ ընդդիմադիրներին, սրանք չունեն ո՛չ հայրենիք, ո՛չ սրբություն։

ԻԼՈՆԱ ԱԶԱՐՅԱՆ