«Դիրքերում» շոուն տապալվեց, իսկ «բիսեդկում» կայացավ Արզաքանցյանի նիստը

Նիկոլ Փաշինյանի գրպանային արտախորհրդարանական քաղաքական ուժերի հետ համագործակցության խորհրդակցական պարբերական ժողովների ձեւաչափում գլխաքանակ ապահովող «Ուժը Հայրենյաց» կուսակցության նախագահ, գործարար ՏԻԳՐԱՆ ԱՐԶԱՔԱՆՑՅԱՆԸ, կարծես թե, որոշել է խայտառակվել մինչեւ վերջ:

«Իրավունքն» անդրադարձել էր, որ Արզաքանցյանին ուղղակի «քշել էին» Ազգային ժողովի դիմաց տեղի ունեցած հանրահավաքի ժամանակ, երբ նա հայտնվել էր բեմում ու փորձում էր ելույթ ունենալ: Սակայն, պարզվում է՝ դրանից հետո նա ձեռքերը ծալած չի նստել եւ փորձել է իր ուժերը մեկ այլ «շոու-ծրագրում»: Արզաքանցյանը ո՛չ ավել, ո՛չ պակաս ֆեյսբուքյան ուղիղ եթերում հայդուկի կեցվածքով ու գեներալիսումիսի վճռականությամբ հայտարարել է, որ պետք է կամավորական ջոկատներ կազմել ու գնալ պաշտպանելու մեր սահմանները: Ինքն իրեն գերազանցելով՝ Արզաքանցյան Տիգրանն այնքան էր ոգեւորվել, որ մոռանալով, թե ինքը որտեղից է գալիս, արդեն ՀԱՊԿ-ի վրա էր մատ թափ տալիս: Քիչ էր մնում մենք էլ հուզվեինք այդ կոչերից, բայց Արզաքանցյանն այստեղ էլ «պռոմոխ տվեց»: Նրա համար սահմանները, փաստորեն, ինչ-որ շինության դիմաց կանգնած, ցանցի հետեւում սմարթֆոնով ուղիղ եթեր անելն էր:

Այո, Արզաքանցյան Տիգրանի հաջորդ ուղիղ եթերը, այսպես ասած, «դիրքերից», հերթական տապալումն էր: Հենց տեսանյութում երեւում է, որ ոչ մի դիրքում էլ չէ, իսկ հաջորդ օրը նա առհասարակ հանգստի գոտից մտավ ուղիղ եթեր: Այսպիսով՝ բառիս բուն իմաստով «բիսեդկայում» 7 հոգով նստած՝ Տիգրան Արզաքանցյանը հայտարարում է, որ տեղի է ունենում «Ուժը Հայրենյաց» կուսակցության հերթական նիստը եւ ընտրում է կուսակցության երկու փոխնախագահ, ինչպես ինքն է նշում՝ բնության գրկում, մաքուր օդում: Փաստորեն, մի ուղիղ եթերի համա՞ր էր Արզաքանցյան Տիգրանը հասել դիրքեր, թե՞ առհասարակ այդպես էլ չհասավ, բա կամավորական ջոկատներ կազմելու ու երկրի ամեն մի թիզի համար պայքարելու որոշումն ի՞նչ եղավ, չեղարկվե՞ց…

Իհարկե, այս ամենը կարող էր զավեշտալի լինել, զուտ քաղաքական թոհուբոից լիցքաթափվելու համար՝ խնդալ եւ անցնել, բայց նույն ժամանակ, երբ Արզաքանցյանն իր հերթական «բոցն» է անում, սահմանում զոհվում են իրական կամավորները՝ լուռ, առանց շոուների ու պաթոսի, վասն հայրենյաց…

ՀՐԱՆՏ ՍԱՐԱՖՅԱՆ

Այս թեմայով Մարզպետներին համար մեկ է տրված. Փաշինյանը զգուշացրել է Սանամյան, ուրախ եմ քեզ համար. Սուջյանը շնորհակալություն է հայտնել Նիկոլ Փաշինյանին Հայաստանի հավաքականին նոր ֆուտբոլիստ է միացել Մասիսի՞, թե՞ Ավինյանի գլխին են սեւ ամպեր կուտակվել ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել