Լուսամուտները ջարդվեց, հոսանքը փրթվեց, վախից տատիկի ոտքերը թուլացած են, չի քայլում. իրավիճակը` Սոթքում

Սեպտեմբերի 13-ի ուղիղ կես գիշերին տեղի ունեցած ինտենսիվ հրետոկածության հետեւանքով Սոթքի բնակելի տներիի մեծ մասը վերածվել է ավերակների: Իսկ որոնք չեն ավերվել, բավական վատ վիճակում են:

Տեղի համայնքապետարանի աշխատակիցների խոսքով հրետակոծությունը տեւել է 3-4 ժամ: Ասում են` փառք Աստծո, արագ կարողացել են բնակչությանը տեղափոխել ապաստարաններ եւ ապահով տարածքներ:

Քաղաքացիական բնակչությունից տուժածներ չկան, սակայն այս պահի Սոթքում մնացել են եզակի թվով բնակիչներ, որոնք լրագրողներիս հորդորեցին արագ իրականացնել մեր աշխատանքը, քանի որ ԱԹՍ-ներ են պտտվում երկնքում: Կա մտավախություն, որ կուտակումներ տեսնելուն պես` թշնամին կարող է դիմել նորանոր սադրանքների:

Թեեւ շատերի տներն այլեւս բնակվելու համար դարձել է անհնար, սակայն Սոթքի բնակչությունը հաստատակամ է, որ չի լքելու համայնքը: Չնայած առկա խուճապին, որը կա հիմա` հրետակոծությունից հետո:

«Թող հույս չունեն, որ հեռանալու ենք մեր տներից: Թշնամու երազանքն իր փորն է մնալու», – «Իրավունքի» հետ զրույցում ասաց բնակչներից ՎՈԼՈԴՅԱՆ:

Նշենք, որ տեղահանվածների հիմնական մասը այս պահին գտնվում են Վարդենիսի եւ Մարտունիի մերձակա տարածքներում: Իսկ թե ինչ է պատմում տեղի ունեցածի մասին Սոթքի բնակիչներից ՕԼՅԱ ԿԱՐԱՊԵՏՅԱՆԸ, դիտե՛ք տեսանյութում:

ԻԼՈՆԱ ԱԶԱՐՅԱՆ

Սոթք-Երեւան