Հիմա ինչո՞վ հպարտ ապրենք` ձեր նվաստացուցիչ պարտությամբ. Կարին Տոնոյան

Արցախի հերոս Մենուա Հովհաննիսյանի մայրը՝  ԿԱՐԻՆ ՏՈՆՈՅԱՆԸ, հորդորում է ժողովրդին միանալ եւ ազատվել չարիքի իշխանությունից: Նրա գնահատմամբ` այն, ինչ կատարվեց այս օրերին սահմանին, դեռ  «ծաղիկներն են»:

— Տիկին Տոնոյան, Դուք եւս մասնակցեցիք երեկ Ազգային ժողովի դիմաց տեղի ունեցած ակցիային: Ո՞րն է Ձեր պահանջը:

– Մեր պահանջն ուղղված է բոլոր պատգամավորներին` ե՛ւ ընդդիմությանը, ե՛ւ իշխանությանը, առաջին հերթին` ՔՊ–ականներին: Եկել է պահը, որ իրենք կամք դրսեւորեն եւ անվստահություն հայտնեն վարչապետին: Միակ օրինական ճանապարհը սրանից ազատվելու, սա է: Եթե իրենք չեն անի, կստիպենք,  որովհետեւ այլ տարբերակ չկա: Իրենք իրենց տներում եւ աթոռներին բազմած` ուրիշների երեխաներն են կոտորվում իրենց պատճառով:

—Ինչպե՞ս եք ստիպելու, երեկվա ակցիան բավական փոքրաթիվ էր…

— Իմ ուրույն կարծիքով` պետք է խմբեր ձեւավորել ու հատ առ հատ գնալ բոլոր պատգամավորների հետեւից` ստիպելով ստորագրել անվստահություն հայտնելու թուղթը: Ի վերջո, կրակը չենք ընկել իրենց ձեռքն, ամեն օր այսքան երեխա է զոհվում, այսքան ընտանիք է դժբախտանում, մինչեւ ե՞րբ:

— Նիկոլ Փաշինյանն ասաց, որ սգալու փոխարեն` պետք է հպարտանալ…

— Ասում է` հպարտ ապրեք, երեխաներին էլ հորդորում, որ զանգեն տուն եւ ասեն, որ իրենք եթե զոհվեն, դուք հպարտ եղեք: Ես էլ ասում եմ` մենք տեսել ենք այդ հպարտությունը, մենք գիտենք ինչ է հպարտությունը: Հպարտ ապրում են այն ընտանիքները, երբ զավակները հաղթանակով վերադառնում են: Երբ հաղթանակ կբերեք, հետո կհորդորեք հպարտ ապրել: Հիմա ինչո՞վ  հպարտ ապրենք` ձեր նվաստացուցիչ պարտությամբ, ամբողջ երկիրը թուրքի ոտքի տակ է, դրանո՞վ հպարտ ապրենք: Ստիպելու ենք բոլորին, ոչ ոք թող չմտածի, որ հանգիստ  ապրելու է այս երկրում: Միակ լուծումն այս իշխանությանը փոխելն է, մինչեւ այս իշխանությունները չփոխվեն, ուզում է սահման ես գնամ, դուք գնաք, միեւնույն է, զոհվելու ենք բոլորս: Իմ որդին «սպեցնազի» հմուտ զինվոր էր, չզոհվե՞ց: Եթե քո իշխանությունը թշնամաբար քեզ մենակ է թողել թշնամու առջեւ, ի՞նչ կյանքի մասին է խոսքը: Ով էլ գնա, զոհվելու է, գեներալներ չզոհվեցի՞ն: Նրան, ովքեր պատիվ ունեին, զոհվեցին, ովքեր անպատիվ են, հիմա սրա կողքին նստած են: Սա է ամբողջ իրականությունը:

ՀՐԱՆՏ ՍԱՐԱՖՅԱՆ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Նախկին վարչապետի ընտանիքը սգում է Այսօր 44-օրյա պատերազմում զոհված Ալբերտ Հովհաննիսյանի ծննդյան օրն է Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Չորս ամսում՝ երրորդ դեպքը․ սա խորքային խնդրի մասին վկայող խայտառակ իրավիճակ է․ Արփինե Հովհաննիսյան