ՀՌՀ-ի թույլ տված ապօրինությունների մասին աղաղակում են երեք դատական ատյանները

Հայկական 2-րդ հեռուստաալիք - Հեռուստատեսության եւ ռադիոյի հանձնաժոով (Հ2-ՀՌՀ) դատական երկու վեճերը՝ կապված հանրապետական եւ մայրաքաղաքային սլոթերի մրցույթներում Հ2-ին լիցենզիա չտրամադրելու հետ հասել են տրամաբանական վերջնակետին: Հ2-ի փոխտնօրեն ԼԵՎՈՆ ՍՈՒԼԹԱՆՅԱՆՆ ասաց, որ ունեն երեք դատական ատյանով հաստատված փաստ, որ ՀՌՀ-ն կոնկրետ մրցույթն արել է ապօրինի, ինչի արդյունքում՝ այն ճանաչվել է անվավեր:

- 2021 թվականի ապրիլի 2-ին Առաջին ատյանի վարչական դատարանը անվավեր է ճանաչել մրցույթի որոշումը՝ ասելով, որ ՀՌՀ-ն սխալ է եղել: Այս որոշման մեջ շատ պարզ, հանգամանալից նկարագրված է, թե ինչ պետք է աներ ՀՌՀ-ն՝ օրենքին համապատասխան, որ չի արել, ինչ թերացումներ կան, ինչն է խախտում եղել եւ այլն: Սա նաեւ երեք ատյաններով հաստատվել, վերջացել է, այսինքն` ճիշտ է եղել այդ վճիռը, եւ ոչ մի բան չի փոխվել այդ վճռի մեջ: Սակայն այս վճռից երկու ամիս հետո ՀՌՀ-ն արել է մայրաքաղաքային մրցույթ, որում, փաստորեն, այդ վճռում նշվածը հաշվի չի առել: Հետեւապես, կարող ենք պնդել, որ կրկին ապօրինի գործողություն է արել: Փաստորեն, պետական մարմինը իր աչքի առաջ ունի որոշում, որի մեջ մանրամասն գրված է՝  ինչ ինքը պետք է անի, սակայն անտեսում է ու փոխարենը՝ բողոքարկում: Օգոստոսի 25-ին նույն դատարանը, բայց մեկ այլ դատավորի նախագահությամբ, անվավեր է ճանաչվել նաեւ այս որոշումը՝ որեւէ հիմնավորման եւ պատճառաբանության բացակայության պարագայում: Շահել ենք նաեւ այս դատը:

ՀՐԱՆՏ ՍԱՐԱՖՅԱՆ

Այս թեմայով «Իմ զոքանչը ձեր զոքանչներից լավն է»… Ովքեր են հայկական շոու բիզնեսում ամենաերիտասարդ ու գեղեցիկ զոքանչ ունեցողները Դա նշանակում է հարվածել գոտկատեղից ներքեւ. Հայտնի փաստաբանը հայտարարությամբ է հանդես եկել Հայաստանում ժամանակավորապես կդադարեցվի հեռուստատեսային և ռադիոալիքների հեռարձակումը Լևոն Քոչարյանի վարքը քաղաքական հետևանքներ է ունենալու․ Ալեն Սիմոնյան Տոտալիտարիզմի շնչից նիկոլական ժողովրդավարությունն ուղղակի թառամեց. ԶԱՐՄԱՆՔ