Գիտելիքի օրն Alikhanyan's Project-ի անդամներն անցկացրին Զատիկ մանկատան սաների հետ

Սիրված կատարումներ, անմիջական շփում եւ լավ տրամադրություն. Alikhanyan's Project-ը սեպտեմբերի 1-ին այցելեց Երեւանի «Զատիկ» մանկատան սաներին։ Արդեն հինգ տարի է, ինչ Alikhanyan’s production-ի հիմնադիր, երաժիշտ Արթուր Ալիխանյանի նախաձեռնությամբ՝ հնարավոր բոլոր դեպքերում այցելում են տարբեր մանկատներ եւ ծերանոցներ, ծանոթանում այնտեղի երեխաների ու մեծահասակների հետ, մի ամբողջ օր նրանց համար հանդես գալիս իրենց կատարումներով՝ լցնելով նրանց օրը նոր ու դրական էմոցիաներով։ Ինչպես նշում է Արթուր Ալիխանյանը՝ չի խոսել այս մասին դեռ ոչ մի անգամ, բայց հիմա խոսելով` ցանկանում է օրինակ ծառայել, եւ այցերը վարակիչ դարձնել նաեւ մյուսների համար։

«Երկար տարիների ընթացքում ընկերացել ենք երեխաների եւ տարեցների հետ, գտնում եմ, որ երաժշտական խմբերը, երգիչ-երգչուհիները կարող են նրանց մեկ օրը տոնի վերածել։ Նրանք նյութական նվերների կարիք շատ դեպքերում չունեն, բայց պարզ մարդկային շփում, ծանոթություն, երաժշտական, դրական ու հագեցած օր ունենալը կարեւոր է իրենց համար։ Մեր հիմնական երգացանկից ենք ներկայացնում երգեր, ամեն անգամ մեր մեծ խմբից մի հատված պարտադիր ներկա է գտնվում»,- նշում է Ալիխանյանը։

Alikhanyan’s production-ի մեջ ներառված են Alikhanyan’s studio-ն, որտեղ ձայնագրման աշխատանքներ են իրականացվում, առկա են փորձասենյակներ, Alikhanyan’s project-ը երաժշտական խումբն է, ինչպես նաեւ` Avo’s music school-ը եւ Alikhanyan’s dance school-ը, որտեղ դասավանդում են պրոֆեսիոնալ մասնագետներ` սաների համար ապահովելով բարձր որակի կրթություն։ Հիմնադրի խոսքով` պատերազմի ընթացքում Արցախից եկած երեխաները հնարավորություն են ունեցել անվճար սովորել իրենց մոտ, ինչի արդյունքում շատ տաղանդավոր երեխաներ են բացահայտվել։

Նշենք, որ Alikhanyan's Project-ի այցերը մանկատներ եւ ծերանոցներ կրելու է շարունակական բնույթ, սեպտեմբերի 6-ին համերգային ծրագրով հանդես են գալու Խարբերդի մասնագիտացված մանկատանը:

Այս թեմայով Ընտրապայքարի են դուրս եկել ներկա եւ նախկին համայնքապետերը ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում ԾՆՈՒՆԴԴ ՇՆՈՐՀԱՎՈՐ ԱՐԹՈՒՐՍ. Մայոր Արթուր Ալավերդյանը կդառնար 34 տարեկան Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է