Շուշիի հանձնման, նվիրաբերման միակ մեղավորն ու պատասխանատուն հենց Նիկոլն է. Նազարյան

Կալանավորվեց ՊԲ նախկին հրամանատար, Արցախի նախագահի խորհրդական Միքայել Արզումանյանը` Շուշի քաղաքի եւ հարակից շրջանների պաշտպանության կազմակերպման ընթացքում իր ծառայողական պարտականությունների նկատմամբ անփույթ վերաբերմունք դրսեւորելու, չկատարելու կամ ոչ պատշաճ կատարելու մեղադրանքով, որի հետեւանքով թշնամին վերցրել է Շուշին եւ մատույցները, իսկ յուրային ստորաբաժանումները կրել են զոհեր եւ վիրավորներ: Թե ինչպես է այս ամենին վերաբերվում 44-օրյա պատերազմում զոհված Աբել Նազարյանի հայրը` ԱԺ «Հայաստան» խմբակցության պատգամավոր ԳԵՂԱՄ ՆԱԶԱՐՅԱՆԸ, ով հանդես էր եկել նաեւ պատերազմի հանգամանքներն ուսումնասիրող «Ճշմարտություն սերունդների համար» փաստահավաք նախաձեռնությամբ, նա ասաց, որ այս ամենը ֆանտաստիկ կինոյի ժանրից է:

— Այն ինֆորմացիան, որ ես ձեռք եմ բերել, երբ ստեղծեցի «Ճշմարտություն սերունդների համար» նախաձեռնությունը, դրանցից շատերը դիտավորյալ չեմ բարձրաձայնում, որովհետեւ  այս պահին անիմաստ է: Դրանով ես երկրին ոչ մի օգուտ չեմ տա, բայց մեծագույն ցավ կպատճառեմ այն նահատակ տղաների ծնողներին, որոնք կլսեն ինձ: Ես կարճ ասեմ` Շուշիի հանձնման, նվիրաբերման միակ մեղավորն ու պատասխանատուն հենց Նիկոլն է: Այդ մասին ինքը եւս շատ լավ գիտի: Իհարկե, երբ ասում եմ` միակը, չի նշանակում, թե ինքը խմբակիցներ, թիմակիցներ չի ունեցել: Ունեցել է գործիքներ, որոնց միջոցով իրականացրել է: Բայց ինձ համար էականն այն է, որ նա իր ֆեյսբուքյան էջում նոյեմբերի 9-ին գրում էր. «Շուշիի համար մարտերը շարունակվում են»: Այդ ամենը ինձ մոտ արձանագրված կա: Ուզում եմ հիշեցնել, որ Ազգային ժողովում, երբ մենք բոյկոտում էինք նիստերը, այդ ժամանակ նա, գտնվելով ցնցակաթվածային վիճակում, կամ ինչ-ինչ խնդիրեր լուծելու համար դիտավորությամբ` ասաց մի բան, որը հերիք էր նրան ձերբակալելու եւ կալանավորելու համար: Նա հայտարարեց. «Մի՞թե չեք հասկանում, որ պատերազմը Շուշիի համար էր»: Դա շատ ավելի խորը նշանակություն ունի, քան մարդիկ հուզական ասում են, թե տեսեք` ինչ ասաց: Սա շատ ավելի ծանր հայտարարություն էր, քան այն, որ հայտարարեց, թե «մենք կարող էինք ստանալ նույն վիճակը, բայց առանց զոհերի»:

Այս թեմայով Ինչքան գողական ռազբոռկա կա, իր մանրուղեղ ֆիլմերն են մեղավոր. ես «նիկոլական» եմ, ու Արարատը սուրբ է մեզ համար Ամերիկացի զինվորները տեղներից էլ չշարժվեցին Վենսի կնոջն ու երեխային օգնելու համար (Տեսանյութ) Կիևի Հյուսիսային կամուրջը ծածկվել է ցանցով՝ ռուսական հարվածներից խուսափելու համար Հայաստանը ցույց տվեց, թե որքան պետք է տանջվենք յուրաքանչյուր հաղթանակի համար Թրամփը մեղադրում է Ուկրաինային ոչ միայն ԱՄՆ-ում, այլ ամբողջ աշխարհում բենզինի գների բարձրացման համար