«ՍԵՊ­ՏԵՄ­ԲԵ­ՐԻՆ Ե­ՐԵՔ ՊՐԵ­ՄԻ­Ե­ՐԱ ԿՈՒ­ՆԵ­ՆԱՄ». ՀԱ­ԿՈԲ ՂԱ­ԶԱՆ­ՉՅԱՆ

«Իրա­վուն­քը» զրու­ցել է Հա­յաս­տա­նի թա­տե­րա­կան գոր­ծիչ­նե­րի մի­ու­թյան նա­խա­գահ, Հ. Պա­րո­նյա­նի անվ. ե­րաժշ­տա­կան կո­մե­դի­ա­յի պե­տա­կան թատ­րո­նի գլխա­վոր ռե­ժի­սոր, ՀՀ ար­վես­տի վաս­տա­կա­վոր գոր­ծիչ ՀԱ­ԿՈԲ ՂԱ­ԶԱՆ­ՉՅԱ­ՆԻ հետ:

— Սեպ­տեմ­բե­րից սկսվում է նոր թա­տե­րաշր­ջա­նը: Հա­կոբ Պա­րո­նյա­նի ան­վան ե­րաժշ­տա­կան կո­մե­դի­ա­յի պե­տա­կան թատ­րո­նում ի՞նչ նոր պրե­մի­ե­րա­ներ են սպաս­վում:

— Նոր թա­տե­րաշր­ջա­նը պետք է սկսենք եր­կու պրե­մի­ե­րա­յով: Ա­ռա­ջի­նը` սեպ­տեմ­բե­րի 10-ին Դե­րե­նիկ Դե­միր­ճյա­նի հա­մա­նուն ստեղ­ծա­գոր­ծու­թյան հի­ման վրա բե­մադր­ված «Քաջ Նա­զարն է»: Երկ­րոր­դը՝ Մա­րո Մա­դո­յան-Ալա­ջա­ջյա­նի «Երազ­նե­րի աշ­խար­հում» պի­ե­սի բե­մադ­րու­թյան պրե­միե­րան կկա­յա­նա սեպ­տեմ­բե­րի 16-ին:

— Նախ­կի­նում անդ­րա­դար­ձել եք «Քաջ Նա­զա­րի՞ն»:

— Ա­յո, բայց այս ան­գամ այն նո­րո­վի է ներ­կա­յաց­վե­լու հան­դի­սա­տե­սին: «Քաջ Նա­զա­րը» բե­մադ­րել եմ ա­վե­լի քան 20 տա­րի ա­ռաջ Պա­տա­նի հան­դի­սա­տե­սի թատ­րո­նում, բայց Պա­րո­նյան թատ­րո­նի տար­բե­րա­կը լրիվ ու­րիշ է եւ բա­ցար­ձակ կապ չու­նի նախ­կին բե­մադ­րու­թյան հետ:

— Իսկ ին­չո՞վ է տար­բեր­վում:

— Փա­կագ­ծե­րը չեմ ու­զում բա­ցել: Ե­կեք, նա­յեք եւ կտես­նեք: Այն­պես չի, որ հա­տուկ նստել, մտա­ծել եմ ու­րիշ տե­սակ ա­նե­լու մա­սին: Ինչ­պես իմ են­թա­գի­տակ­ցու­թյու­նը հու­շել է, այդ­պես էլ բե­մադ­րել եմ: Ըն­դա­մե­նը կա­սեմ, որ տեքս­տը բա­ցա­ռա­պես Դե­միր­ճյա­նի տեքստն է, եւ բա­ցի կրճա­տում­նե­րից՝ պի­ե­սում ոչ մի խմբագ­րում չկա:

— Քաջ Նա­զա­րի դե­րում ո՞վ է հան­դես գա­լու:

— Իշ­խան Ղա­րի­բյա­նը, ո­րին ըն­դու­նե­ցինք թատ­րոն հենց այդ դե­րա­կա­տար­ման հա­մար եւ, բ­նա­կա­նա­բար, նա կմնա թատ­րո­նում:

— Հրա­զդա­նի թատ­րո­նում եւս պրե­մի­ե­րա է սպաս­վում, կմա­նրա­մաս­նե՞ք:

— Ա­յո, զու­գա­հեռ  Հրազ­դա­նի թատ­րո­նում էլ բե­մադ­րու­թյուն ա­րե­ցի: Պրե­մի­ե­րան սեպ­տեմ­բե­րի 5-ին կկա­յա­նա: Բե­մադ­րել եմ մեր  շատ սիր­ված, հարգ­ված դրա­մա­տուրգ Սամ­վել Խա­լա­թյա­նի «Թվա­ցյալ երկ­րի բնիկ­նե­րը» պի­ե­սը: Այն­պես որ, սեպ­տեմ­բե­րին ե­րեք պրե­մի­ե­րա կու­նե­նամ:

ՆՈՒ­ՆԵ ԶԱ­ՔԱ­ՐՅԱՆ