Մենք ասում էինք, իսկ դուք հրճվում էիք ձեզ ճոխ ասֆալտ խոստացող, բայց ասֆալտի տակի հողը թշնամուն հանձնող իշխանություններով. Մութաֆյան

«Այսօր շատ շատերը զարմանում են, թե ինչ է կատարվում երկրում։ Սահմանին գրեթե ամեն օր զոհեր, զորամասերում դժբախտ պատահարի պատճառով զոհեր, այսօր էլ «պատահական պայթուն» առեւտրի կենտրոնում։ Շատ պատահաբար կիրակի օրով ու շատ պատահաբար նախադպրոցական շրջանում, երբ Սուրմալուն համարվում է մեծածախ առեւտրի ամենաէժան կետը։ Մի զարմացեք, սիրելի քաղաքացիներ, մի վրդովվեք, սա ձեր ընտրած ապագան է, ձեր բերած ապագան մեզ բոլորիս համար։ Դեռեւս 2018 թվականից այս մասին ձեզ զգուշացրել ենք, ձեր հիշողությունը շատ կարճ է, չեք հիշում ինչ են ասում, թե սա էլ կարող է բարդեն նախկինների վրա ու դուք հանգիստ ընդունե՞ք այդ փաստը։ Այս տարի մարտի 22֊ին ԱԺ պատգամավոր, այդ ժամանակ ԱԺ փոխխոսնակ Իշխան Սաղաթելյանը հիշեցրել է ձեզ, եւ այս մահաբեր իշխանությանը, որ երկիրը կանգնած է անդունդի եզրին, որ մեր հայրերի ձեռբերած պետականությունը տապալվում է, իսկ «ապագա կա» գոռացող թրքամետ իշխանությունը երկիրը կտոր-կտոր հանձնում է թշնամուն։ Մենք ասում էինք, իսկ դուք հրճվում էիք ձեզ ճոխ ասֆալտ խոստացող, բայց ասֆալտի տակի հողը թշնամուն հանձնող իշխանություններով», - գրել է դերասանուհի ԱՆԱՀԻՏ ՄՈՒԹԱՖՅԱՆԸ։