«Վիրահատությունը ձեզ նիհար չի դարձնի». Գոհար Ավետիսյանը հայտնել է, որ քաշի տատանումը կազմել է 300 կիլոգրամ

Հայտնի դիմահարդար Գոհար Ավետիսյանը երկար տարիներ պայքարել է ավելորդ կիլոգրամների դեմ։ Ի վերջո նրան հաջողվել է գեղեցիկ կազմվածք ձեռք բերել, սակայն երազանքին հասնելու ճանապարհը շատ բարդ է եղել․ Գոհարն ընդհանուր առմամբ նա նիհարել է 300 կիլոգրամով։

Գեղեցիկ մարմնի հասնելու համար աստղը նույնիսկ ստիպված է եղել վիրահատության դիմել։ Երկրպագուների մի մասը չի ողջունում Գոհարի այս քայլը, եւ նրանք հաճախ են բացասական մեկնաբանություններով արժեզրկում Գոհարի ջանքերը։ Բլոգերին, սակայն, վիրավորում է օգտատերերի այդ վարքագիծը, քանի որ երկրպագուները չեն էլ կասկածում, թե ինչի միջով է նա ստիպված եղել անցնել։ Ավետիսյանի խոսքով՝ միայն խիստ դիետաները, մշտական ​​սահմանափակումներն ու ակտիվ ապրելակերպն են իրեն օգնել արդյունքի հասնել։

«Առաջին վիրահատությունը եղել է 2020 թվականի դեկտեմբերի 18-ին։ Կատարվել է կրծքի ձգում, հսկայական դիաստազի (որովայնի մկանների թուլություն) հեռացում եւ ճարպի բաշխում՝ գեղեցիկ ուրվագիծ ստանալու համար», - նրա խոսքերը մեջբերել է StarHit-ը։

Սակայն վիրահատությունից հետո հրաշք տեղի չի ունեցել. դիմահարդարին դուր չէր գալիս իր քաշը՝ 90 կիլոգրամ։ Սկզբում նա բողոքում էր բարդ պրոցեդուրաների պատճառով առաջացած այտուցներից, ապա անհամբեր սպասում էր, որ ապաքինումից հետո գեղեցիկ մարմին կունենա։

«Քաշս հասել էր 92-94 կիլոգրամի։ Ճիշտն ասած, երկար ժամանակ մտածում էի, որ սա իմ նորմալ քաշն է ու այլեւս չէի նիհարում։ Կուրծքն այլևս կախված չէ, հարթ որովայն ունեմ, փարթամ մարմին… Բայց, այնուամենայնիվ, հոգուս խորքում երազում էի գալ խանութ եւ լսել՝ քո չափսը հաստատ կա»,- նշել է Գոհարը:

Վիրահատությունից ամիսներ անց անգամ գոտկատեղի ու կոնքերի հատվածում ավելորդ սանտիմետրերը չեն անհետացել։ Գոհարը հասկացել է, որ վիրահատությունը ոչ թե նիհարեցրել է իրեն, այլ միայն շտկել է տհաճ հատվածները։

Այդ ժամանակ արդեն Ավետիսյանը ստանձնել է իրավիճակի կառավարումը։ Նա սկսել է առողջ ապրելակերպ վարել, կարգավորել սնունդն ու կախվածություն ձեռք բերել սպորտից: Ինտենսիվ մարզումների եւ հատուկ դիետայի շնորհիվ Գոհարին հաջողվել է հասնել իր երազանքների մարմնին։

«Եթե ինչ-որ մեկը կարծում է, որ վիրահատությունը կարող է լուծել ամեն ինչ, նիհարեցնել, լրջորեն սխալվում է։ Բոլորովին էլ այդպես չէ։ Նույնիսկ եթե տոննաներով ճարպ հեռացվի, դուք նորից կունենաք այն, եթե գիրանաք: Հավատացեք ինձ, մի մարդու, որը փորձել է հարյուրավոր դիետաներ եւ ընդհանուր առմամբ այս ամբողջ ընթացքում նիհարել ավելի քան 300 կիլոգրամ»,- նշել է դիմահարդարը։