«Նա հոգեբանի կարիք ունի»․ Սոլովյովը քննադատել է Սվետլանա Լոբոդային

Լրագրող եւ հեռուստահաղորդավար Վլադիմիր Սոլովյովը ռուսների մասին հայտարարությունների պատճառովքննադատել է ուկրաինացի երգչուհի Սվետլանա Լոբոդային։

Եթերի ընթացքում Վլադիմիր Սոլովյովը նշել է, որ արեւմտյան երկրները հակված են իրենց ժողովրդավարության իդեալական ամրոց համարել, իսկ Ռուսաստանը՝ «սարսափելի»։ Նրա խոսքով՝ Լոբոդայի նման աստղերն իրենց թույլ են տալիս քննադատաբար խոսել այն երկրի մասին, որը նրանց հարստություն եւ ճանաչում է տվել։

Վլադիմիր Սոլովյովը Սվետլանա Լոբոդային հիշեցրել է, թե ինչպես է նա Մոսկվա տեղափոխվել, պատկառելի ունեցվածք վաստակել եւ շքեղ ապրել։ Հեռուստահաղորդավարը ցուցադրել է Լոբոդայի հարցազրույցից մի հատված։

Տեսանյութում արտիստը պնդում է, որ մտավորականությունը լքել է Ռուսաստանը, եւ մնացել է միայն «ընդհանուր զանգված, որը միայն տեղեկատվություն է լսում հեռուստացույցից եւ այլ տեսակետ չունի»։ Լոբոդան նույնիսկ մեջբերել է իր հոգեբանի կարծիքը եւ ռուսների պահվածքը «պաշտպանական ռեակցիա» անվանել։

«Նա ուկրաինուհի է, որը երկար տարիներ գումար է վաստակել Ռուսաստանում։ Եվ հիմա նա մեզ բոլորիս բացատրում է, թե ովքեր ենք մենք եւ ինչպիսին են իրենք։ Այսինքն՝ մենք բոլորս այլ տեսակետ չունենք։ Իսկ ամբողջ մտավորականությունը, որը երգում էր, հեռացել է։ Լոբոդան խոսել է հոգեբանի մասին։ Այդ նրան է հոգեբան հարկավոր։ Հենց նա է վերացարկվել»,- Սոլովյովի խոսքերը մեջբերել է «Экономика Сегодня»-ն։

Աղբյուրը՝ 5-tv.ru

Լուսանկարները՝ «ՌԻա Նովոստի», Ֆեյսբուք