«Կնքահայրը» ֆիլմի ստեղծողներն ի սկզբանե չեն ցանկացել Ալ Պաչինոյին հաստատել Մայքլ Կորլեոնեի դերի համար

Դերասանուհի Դայան Քիթոնը, որը «Կնքահայրը» ֆիլմում խաղացել է Քեյ Ադամսի դերը, հայտարարել է, որ նախագծի հեղինակները չեն ցանկացել հավանություն տալ Ալ Պաչինոյին Մայքլ Կորլեոնեի դերի համար։ Այս մասին հայտնում է Independent-ը։

Դերասանուհին հաստատել է, որ առաջին լսումների ժամանակ Ալ Պաչինոյի խաղը դուր չի եկել կինոռեժիսոր Ֆրենսիս Ֆորդ Կոպոլային եւ ժապավենի մյուս ստեղծողներին, սակայն լսումների երկրորդ փուլից հետո դերասանին վերցրել են նախագիծ, որը թողարկվել է 1972 թվականին։

 «Ոչ ոք չէր ցանկանում տեսնել Ալ Պաչինոյին։ Նրանք չէին ուզում, որ նա խաղա այդ դերը, իսկ ինձ արդեն ընտրել էին։ «Կնքահայրը» ֆիլմի համար ես ընտրվել եմ Ալ Պաչինոյից առաջ: Տարօրինակ չէ՞: Ի՞նչ կլիներ «Կնքահայրն» առանց Ալ Պաչինոյի։ Դա պարզապես կյանքի տարօրինակ, անսովոր երեւույթներից մեկն է»,- կիսվել է Քիթոնը, որը ֆիլմում մարմնավորել է Մայքլ Կորլեոնեին սիրահարված ուսուցչին։

Ֆիլմի թողարկումից մեկ տարի անց՝ 1973 թվականին, Ալ Պաչինոն առաջադրվել է միանգամից երկու կինոմրցանակի՝ «Օսկար» երկրորդ պլանի լավագույն դերասան եւ «Ոսկե գլոբուս» լավագույն դերասանի համար։

https://style.news.am/arm/news/92207/knqahayry-filmi-stextsoxnern-i-skzbane-chen-cankacel-al-pachinoyin-hastatel-mayql-korleonei-deri-hamar.html