Եթե այսօր մեր ձեռքով փորում ենք մեր պետության գերեզմանը, դեռ հիմք չէ պնդել, որ մշտապես եղել ենք ազգային գերեզմանափորներ. Թորոսյան

Այս նարրատիվը նրբորեն հյուսված տեխնոլոգիա է, որի միջոցով մեզ վերջնականապես ցանկանում են մաքրել այս հողակտորից եւ դրա նկատմամբ մեր արդարացի իրավունքներից։ Եթե մենք իզգոյ ենք ի սկզբանե, չունենք անցյալ, պատմություն, ուրեմն՝ ավելորդ է խոսել մեր իրավունքների էլ չեմ խոսում տարածքային հավակնությունների մասին։ Մինչդեռ մեր անցյալի փառքի մասին միայն օտար հեղինակների հիշատակումները հատորներ կպահանջեին, եւ սա ազգային սնապարծություն չէ, այլ օբյեկտիվ գնահատական։

 

Եթե մենք այսօր մեր ձեռքով փորում ենք մեր պետության գերեզմանը, դեռ հիմք չէ պնդել, որ մշտապես եղել ենք ազգային գերեզմանափորներ։ Սրանով մենք կուլ ենք տալիս դրսից նրբորեն հրահրված այն խայծը, որի շուրջ թշնամին դարերով աշխատել է։ Թշնամին՝ արտաքին եւ ներքին, պարզապես թույլ է տալիս, որ մենք ինքներս խոտովանենք այդ կեղծ թեզը, այնքան հոգեմաշ լինենք, որ սկսենք վիճարկել մեր քաղաքակրթական ձեռքբերումները, հայի իրական կերպարը նույնականացնենք նրա տականքի եւ թերմացքի խառնվածքին։ Մի խոսքով՝ ինքնակամ բռնենք գաղթի ճամփան։ ՀԱՅԸ այդպիսին չէ, ՀԱՅԸ աղերս չունի այն խեղված մորթապաշտ տեսակին, որոնք այսօր գերակայում են մեզանում, որոնք իրենց ներսից ծնել են ընտրյալ մորթապաշտներ եւ պատվիրակել են պետականության ղեկը։ Վերջում հիշե՜ք հրեա լրտես Լոուրենս Արաբիացու խոսքերը՝ Հային տվեք ազատություն, եւ նա կդառնա աշխարհի տերը», - գրել է «Ժողովրդավարական համախմբում» կուսակցության գաղափարական հանձնաժողովի պատասխանատու ՎԱՀԵ ԹՈՐՈՍՅԱՆԸ:

 

Հ.Գ.- Նկարում՝ Դեյվիդ Մարշալ Լենգի «Հայաստանը քաղաքակրթության օրրան»  գրքի շապիկն է: