Բրազիլիայում գերմանացի հյուպատոսուհուն մեղադրել են ամուսնու սպանության մեջ
Քրեական
Բրազիլիայի ոստիկանությունը ձերբակալել է գերմանացի հյուպատոսուհուն այն բանի համար, որ նա, իբր, սպանել է իր ամուսնուն, իսկ հետո փորձել է թաքցնել հանցագործությունը, հայտնում է «Ֆրանս Պրես» գործակալությունը՝ հղում անելով ոստիկանությանը:
Ինչպես նշում է ոստիկանությունը, Գերմանիայից հյուպատոս Ուվե Հերբերտ Հանը իշխանություններին հայտնել է, որ իր ամուսնուն՝ Բելգիայի քաղաքացի Վալտեր Անրի Մաքսիմիլյան, Բիոտը վատացել է ուրբաթ երեկոյան, նա ընկել է եւ գլուխը հարվածել, ինչի պատճառով վրա է հասել մահը: Սակայն, ըստ ոստիկանության, հանցանշանները ցույց են տալիս, որ Բիոտին ծեծել են։
«Իրադարձությունների վարկածը, որը հյուպատոսը շարադրել է այն մասին, որ զոհն ընկել է, անհամատեղելի է դատաբժշկական փորձաքննության եզրակացությունների հետ»,-գործակալությունը մեջբերել է Բրազիլիայի ոստիկանության ներկայացուցիչ Կամիլա Լոուրենկոյի խոսքը:
Փորձաքննության ընթացքում զոհի մարմնի վրա հայտնաբերվել են արյունազեղումներ, որոնք ցույց են տալիս, որ նրան ոտքերով են հարվածել եւ ծեծել գլանաձեւ առարկայով:
«Բրազիլիայի ոստիկանությունը հայտարարել է, որ շաբաթ օրը ձերբակալել է գերմանացի դիվանագետին այն բանի համար, որ նա ենթադրաբար սպանել է իր ամուսնուն», - ասված է գործակալության հաղորդագրության մեջ:
1
6041 դիտում
2
4494 դիտում
3
2160 դիտում
4
1944 դիտում
5
1700 դիտում
