Ո՞ր մթերքները չի կարելի սառեցնել

Որոշ դեպքերում սառեցված սնունդը ոչ միայն կորցնում է իր սկզբնական կառուցվածքը, այլեւ կարող է վնասակար լինել առողջության համար: Նման կարծիք է հայտնել թերապեւտ եւ գաստրոէնտերոլոգ Սերգեյ Լոպատինը Դոկտոր Պիտեր պարբերականի հետ զրույցում։ 

Սառեցված հատապտուղների, մրգերի եւ բանջարեղենի օգուտներն ու վնասները բժշկական հանրության մեջ հակասություններ են առաջացնում։ Մի կողմից  նույնիսկ ցածր ջերմաստիճանի դեպքում մրգերը պահպանում են օգտակար նյութերի մեծ մասը, սակայն մյուս կողմի էլ սովորական սառցախցում սառեցնելը թույլ չի տա առավելագույնս խնայել վիտամիններն ու միկրոէլեմենտները, քանի որ դա կարելի է անել հատուկ սարքավորման վրա սառեցման միջոցով։ 

Ցանկալի է նաեւ չսառեցնել հազարի տերեւներն ու կանաչիները։

Ձուն նույնպես չի կարելի սառեցնել, քանի որ ջերմաստիճանի փոփոխություններն առաջացնում են կեղեւի ճաքեր, որոնց մեջ կարող են ներթափանցել ախտածին բակտերիաներ։  

Փափուկ պանիրները, ըստ բժշկի, նույնպես չի կարելի պահել սառնարանում՝ դրանք ոչ միայն կկորցնեն իրենց համը, այլեւ կառուցվածքը, ինչը կարող է խոցելի դարձնել բակտերիաների նկատմամբ։

Մասնագետը կտրականապես արգելել է կրկնակի սառեցնել սառեցված միսը, թռչնամսը, ձուկը եւ ծովամթերքը։