Հատուկջոկատայիններն առգրավեցին «Սեքյուրիթի դրիմի» համակարգիչները
ԻրավականՔիչ առաջ ոստիկանության 6–րդ վարչության աշխատակիցները «Սեքյուրիթի Դրիմ» ընկերությունից դուրս բերեցին համակարգիչները եւ տարան իրենց հետ:
Նշենք, որ ժամեր առաջ ոստիկանության 6–րդ վարչության աշխատակիցները ժամանել էին «Սեքյուրիթի Դրիմ» ընկերություն եւ այնտեղ ինչ-որ գործողություններ էին իրականացնում: Դիմակավորված աշխատակիցները թույլ չէին տալիս, որ լրագրողները մոտենան ընկերության գրասենյակին
«Սեքյուրիթի դրիմ»-ը հիշեցնենք՝ փողոցներում տեղադրված արագաչափերի եւ տեսախցիկների միջոցով արձանագրում էր ճանապարհային երթեւեկության կանոնների խախտումները: Նիկոլ Փաշինյանի խոսքով՝ այդ գործառույթն այժմ իրականացվելու է նոր ստեղծվող ՊՈԱԿ-ի միջոցով, հայտնաբերված վարչական իրավախախտումներով գանձված տուգանքներն էլ մուտքագրվելու են պետական բյուջե։
Հիշեցնենք, որ իշխանափոխությունից հետո «Սեքյուրիթի Դրիմը» հաճախ էր հայտնվում իրավապահների ուշադրության կենտրոնում, ընկերության հիմնադիր տնօրեն Ալեքսան Զաքարյանը կալանավորվել էր: Նա մեղադրվում է զեղծարարությամբ ավելի քան մեկ միլիարդ դրամ հափշտակելու մեջ:
Այդուհանդերձ, ընկերությանը նախօրեին տեղեկացրել էին, որ այս տարվա մրցույթում նույնպես իրենք են շահել տենդերը: Պայմանագիրն ի սկզբանե նախատեսված է եղել 10 տարի ժամկետով, տենդերը շահելուց հետո ընկերությունը դեռ պայմանագիր չի կնքել:
1
15286 դիտում
2
10816 դիտում
3
2287 դիտում
4
2141 դիտում
5
1479 դիտում
