«Ես ընդամենը 15 տարեկան էի»․ Քեյթ Մոսը փախել է նկարահանման հրապարակից, երբ նրան ստիպել են հանել կրծկալը

Քեյթ Մոսը բրիտանացի ամենահայտնի մոդելներից է։ Նրա կարիերան սկսվել է 1988 թվականին, երբ նա 14 տարեկան էր: Նրան պատահաբար նկատել է «Storm Model Management» գործակալության տնօրենը: Այս հանդիպման շնորհիվ աստղը կարողացել է անհավանական հաջողությունների հասնել մոդելինգի ոլորտում։

Իր ամբողջ կարիերայի ընթացքում Քեյթ Մոսը հավատարիմ է եղել «Երբեք մի բողոքիր եւ ոչինչ մի բացատրիր» («Never complain, never explain») կանոնին։ Աստղը չի խոսել այն մասին, թե ինչի հետ է բախվել որպես մոդել աշխատելիս։ Սակայն նա անկեղծացել է «Desert Island Discs» ռադիոհաղորդման ընթացքում։

Հարցազրույցի ընթացքում աստղը հիշել է, թե ինչպես է փախել նկարահանումներից մեկից։ «Ես սարսափելի փորձ ունեցա, երբ նկարահանվում էի ներքնազգեստի կատալոգի համար: Ես ընդամենը 15 տարեկան էի։ Լուսանկարիչն ինձ խնդրեց հանել տոպս, ես դա արեցի։ Բայց այդ ժամանակ ես շատ էի ամաչում մարմնից։ Հետո նա ասաց՝ կրծկալդ հանիր։ Ես զգացի, որ ինչ-որ բան այն չէ, վերցրի իրերս ու փախա։ Կարծում եմ՝ դա սրել է իմ բնազդները»,- պատմել է Քեյթը։

Բացի այդ, Մոսը պատմել է նաեւ «The Face» ամսագրի համար նկարահանումներից մեկի մասին։ Այն ժամանակ աստղը 16 տարեկան էր, աշխատում էր բրիտանացի լուսանկարիչ Քորին Դեյի հետ Քեմբեր Սենդս լողափում։ «Ես շատ էի ամաչում մարմնիս պատճառով: Նա մի անգամ ասաց. «Եթե դու չհանես քո տոպը, ես քեզ չեմ լուսանկարի «Elle»-ի համար»: Եվ ես լաց եղա։ Ցավոտ է, քանի որ նա իմ լավագույն ընկերուհին էր, եւ ես, իսկապես, սիրում էի նրան, բայց նրա հետ աշխատելը շատ դժվար էր»,- հիշել է մոդելը:

«Բայց… լուսանկարները հիասքանչ են, այնպես որ, նա ստացավ այն, ինչ ուզում էր: Ես տառապում էի դրանց պատճառով, բայց ի վերջո դրանք ինձ շատ օգուտ են բերել։ Դրանք փոխել են իմ կարիերան»,- եզրափակել է Քեյթը։

https://style.news.am/arm/news/91722/es-yndameny-15-tarekan-ei․-qeyt-mosy-pakhel-e-nkarahanman-hraparakic-erb-nran-stipel-en-hanel-krtskaly.html

Այս թեմայով «Ես սարսափելի էի». Քեյթ Միդլթոնի անկեղծ խոստովանությունը «Բոլորս քեզ այնքան շատ ենք սիրում». Քեյթ Միդլթոնն արքայազն Ուիլյամին շնորհավորել է 42-ամյակի կապակցությամբ՝ հրապարակելով ուշագրավ լուսանկար Արքայազն Ուիլյամն ու Քեյթ Միդլթոնն առաջին անգամ թագավորական պարտականությունը կատարել են տեսակապի միջոցով (լուսանկարներ) Արքայազն Ուիլյամն ու Քեյթ Միդլթոնն այցելել են Իռլանդիա և թևանցուկ զբոսնել բնության գրկում Մեգան Մարքլի հետ տեղի ունեցած սկանդալից հետո Քեյթ Միդլթոնը զգուշավորություն է ցուցաբերել