Ինչու էր 28 տարվա մեջ առաջին անգամ Երեւան շտապել ԱՄՆ ԿՀՎ ղեկավարը

Նիկոլ Փաշինյանը նախորդ շաբաթ կառավարությունում ընդունեց ԱՄՆ Կենտրոնական հետախուզական վարչության ղեկավար Ուիլյամ Բըրնսին: Տեղի ունեցած հանդիպման վերաբերյալ պաշտոնական հաղորդագրությունը սակավախոս էր բովանդակության առումով, իսկ թե իրականում ինչով էր պայմանավորված ԿՀՎ ղեկավարի շտապ Երեւան ժամանումն, «Իրավունք TV»-ի տաղավարում հետաքրքրվեցինք քաղաքագետ ԳԱՐԵԳԻՆ ՊԵՏՐՈՍՅԱՆԻՑ: Ըստ նրա` վերջին բոլոր զարգացումները` կապված թե՛ արեւմտյան հատուկ ծառայությունների ներկայացուցիչների, թե՛ դեսպանների հետ, թե՛, օրինակ, Եվրոպական միության հատուկ հանձնակատարի պարբերաբար արվող հայտարարությունների առումով, ամբողջությամբ հայ-թուրքական հարաբերությունների կարգավորման համապատկերում են, որի բաղադրիչն է նաեւ հայ-ադրբեջանական, ինչպես իրենք են սիրում ասել` «խաղաղության օրակարգի» մատուցումը:

— Չէի առանձնացնի ԿՀՎ ղեկավարի այցը, որովհետեւ բոլորն էլ պատճառահետեւանքային կապով կապված են միմյանց: Իհարկե, 28 տարվա մեջ առաջին անգամ նման այցը համարում եմ դարակազմիկ, որը տեղի ունեցավ բացառիկ գաղտնիության պայմաններում: Եթե ուշադիր եղաք, արտահոսքը հիմնականում նետված էր ռուսական կողմից եւ արված էր որոշակի կոնկրետ նպատակների համար: Ըստ իս, նպատակն այն էր կա՛մ խափանել, կա՛մ որոշակիորեն ձգձել գործընթացը` կապված ռուս-ուկրաինական հարաբերություններում առկա լարված իրավիճակի հետ: Բայց այս այցը, որպես այդպիսին, իրենից ոչինչ չէր ներկայացնի, եթե, օրինակ, երեկ Բաքու ժամանած չլինեին Եվրահանձնաժողովի նախագահ Ուրսուլա Ֆոն դեր Լայենը եւ ԵՄ էներգետիկայի հարցերով հանձնակատար Կադրի Սիմսոնը: Այս մասին նախապես Ալիեւն իր վերջին հարցազրույցում տվել է շատ մեծ նշանակություն` ասելով, որ նախապատրաստվում են կնքել իրենց համար չափազանց կարեւոր գործարքներ: Իսկ մինչ այդ եղել են մամուլում նույնիսկ հրապարակումներ, որ Ադրբեջանից պահանջում են, եւ կա արդեն նախնական համաձայնություն, որպեսզի գազի արտահանման ծավալները շուրջ 30 տոկոսով ավելացնի, ինչը կլինի հակազդող գործոն ռուսական էներգակիրների բացակայությանը Եվրոպայում: Այսինքն` Ադրբեջանի միջոցով փորձում են լրացնել այն բացը, որը առաջ է եկել «Հյուսիսային հոսք-1»-ի հայտնի տուրբինների հետ կապված խոչընդոտի հետեւանքով: Սա հարված է ուղիղ Ռուսաստանին:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցի շարունակությունը կարդացե՛ք թերթի վաղվա համարում:

Այս թեմայով Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան Գարեգին Միսկարյանի քաղաքական «նժարը» Մահացել է բալետի արտիստ Սերյոժա Պետրոսյանը Պառլամենտական ընդդիմությունը ձայն չի հանելու կամ մարմնաշարժություններ է անելու`իբր դեմ է․ Պետրոսյան «Եհովայի վկաներ» կազմակերպության հայաստանյան գրասենյակը բացահայտում է մարզահամերգայինում տեղի ունեցած համաժողովների նպատակը